June 26, 2026 
தண்டோரா குழு
தமிழ்நாட்டின் வளமான பாரம்பரியம், கலாச்சாரம் மற்றும் சமூக விளையாட்டுகளைப் பள்ளி மாணவர்களிடையே கொண்டு சேர்க்கும் நோக்கில், போகோ (POGO) சேனல் தமிழ் திருவிழா எனும் பிரத்யேகப் பள்ளித் தொடர்பு திட்டத்தை அறிமுகப்படுத்தியுள்ளது.
சென்னை, கோயம்புத்தூர் மற்றும் மதுரையைச் சேர்ந்த 200 பள்ளிகளில் பயிலும் 1 லட்சத்திற்கும் மேற்பட்ட குழந்தைகளைச் சென்றடைவதே இதன் நோக்கமாகும். டிஜிட்டல் திரைகளைத் தாண்டி, சோட்டா பீம், லிட்டில் சிங்கம் மற்றும் சம்பத் ஷம்பத் போன்ற புகழ்பெற்ற கார்ட்டூன் கதாபாத்திரங்கள் மூலம் மாணவர்கள் தமிழ் பாரம்பரியத்தை நேரில் அனுபவிக்க வழிவகை செய்யப்பட்டுள்ளது.
சைமன் சேஸ் விளையாட்டின் தமிழ் வடிவம்,
வேடிக்கையான மாறுவேட ரிலே பந்தயம்,
சம்பத் ஷம்பத் உடனான கலகலப்பான வேகப் போட்டி,தமிழ் உணவு, சினிமா மற்றும் கலாச்சாரம் குறித்த வினாடி-வினா.
இந்தத் திட்டத்திற்கு பிரிட்டானியா மில்க் பிகிஸ் முதன்மை ஸ்பான்சராகவும், அருண் ஐஸ்கிரீம்ஸ் மற்றும் குளுக்கோவிட்டா குளுக்கோஸ் லாலிபாப் ஆகியவை இணை ஸ்பான்சர்களாகவும் செயல்படுகின்றன.
இது குறித்து வார்னர் பிரதர்ஸ் டிஸ்கவரியின் விளம்பர வருவாய்த் தலைமை அலுவலர் தனஸ் மேத்தா கூறுகையில்,
குழந்தைகளுக்குப் பிடித்த கதாபாத்திரங்களுடன் இணைந்து, அவர்களின் பாரம்பரியத்தைப் பெருமையுடன் கொண்டாடும் ஒரு தளமாக இது அமையும் என்றார். சந்தைப்படுத்தல் தலைமை அலுவலர் ஜானவி வியாஸ் பேசுகையில், மாணவர்கள் விளையாட்டுகள் மற்றும் செயல்பாடுகள் மூலம் கலாச்சாரத்தோடு ஆழமாக இணைய இது உதவும் என்று தெரிவித்தார்.
For English News
