வள்ளுவரைப் பற்றிய அடிப்படை புரிதல் ஆளுநருக்கு இல்லை: கனிமொழி
தெலங்கானா முதலமைச்சராக பதவியேற்றார் ரேவந்த் ரெட்டி;
தமிழகத்தில் இயல்பை விட இந்த ஆண்டு, வடகிழக்கு பருவமழை குறைவு –
மிக்ஜாம் புயல்: தமிழ்நாட்டுக்கு ரூ.450 கோடி நிதி ஒதுக்கீடு!
மத்தியில் ஆட்சிக்கு வந்ததும் சாதிவாரி கணக்கெடுப்பை நடத்துவோம்-ராகுல் காந்தி

கேப்டன் பதவியிலிருந்து விலகினார் தோனி

January 5, 2017

tamil.samayam.com

இந்திய கிரிக்கெட்டுக்கு கிடைத்த தரமான கேப்டன்களில் ஒருவர் எம் எஸ் தோனி. இவர் கேப்டன் பொறுப்பை துறந்தது இந்திய கிரிக்கெட் ரசிகர்களை அதிர்ச்சியடையச் செய்துள்ளது.

இந்திய கேப்டன்களில் அதிகமாக விரும்பப்படும் மற்றொரு கேப்டன் கங்குலி. இருப்பினும் இவரது தலைமையில் இருக்கும் போது 2000ல் இந்திய கிரிக்கெட் அணி டெஸ்ட் போட்டியில் 8 வது இடத்தில் இருந்தது. கேப்டன் பொறுப்பு தோனிக்கு வந்த பின் அடுத்த சில மாதங்களில் 2 வது இடத்திற்கு முன்னேறியது.

அதுமட்டுமல்லாமல் சிறந்த விக்கெட் கீப்பர், சிறந்த பினிசராக அணிக்கு வெற்றியை தேடித்தந்தவர். இவர் தலைமையில் இந்திய கிரிக்கெட் அணி டி20 உலகக் கோப்பை, சாம்பியன்ஸ் டிராபி (மினி உலகக் கோப்பை), உலகக் கோப்பை என மூன்று வித போட்டிகளிலும் கோப்பையை வென்று அசத்தியது.

இந்நிலையில் கடந்த 2014, டிசம்பர் 30ம் தேதி டெஸ்ட் போட்டியிலிருந்து ஓய்வு பெறுவதாக அறிவித்தார். அதன் பின் யார் டெஸ்ட் அணியை தோனியை போன்று சிறப்பாக நடத்த முடியும் என கேள்வி எழுந்தது. இதையடுத்து பேட்டிங்கில் ஜொலித்து வரும் விராட் கோலிக்கு கேப்டன் பொறுப்பு அளிக்கப்பட்டது.

இந்நிலையில் டி20, ஒரு நாள் போட்டி என குறிப்பிட்ட ஓவர் கொண்ட போட்டிகளுக்கு மட்டும் கேப்டனாக செயல்பட்டு வந்த தோனி நேற்று அதன் கேப்டன் பொறுப்பிலிருந்து விலகுவதாக அதிரடியாக அறிவித்தார். இதனால் கிரிக்கெட் ரசிகர்கள் சோகத்தில் ஆழ்ந்தனர்.

டெஸ்ட் கேப்டனாக சிறப்பாக செயல்பட்டு வரும் கோலியிடம், டி20, ஒரு நாள் போட்டியின் கேப்டன் பொறுப்பும் அளிக்கப்பட வேண்டும் என்ற சிலரின் கோரிக்கை நிறைவேறியுள்ளது.

ஒரு புறம் கூல் கேப்டன் தோனி கேப்டன் பதவியிலிருந்து விலகி கோலி கேப்டனானாலும் எந்த ஒரு வருத்தமும் அடையத் தேவையில்லை. ஏனெனில் கேப்டனாக மட்டுமில்லாது, சிறந்த வீரராகவும் செயல்படக்கூடியவர் தோனி.

அதுமட்டுமல்லாது கோலி கேப்டனாக செயல்பட்டாலும், கேப்டன் பொறுப்பில் அனுபவம் வாய்ந்த தோனியின் அறிவுரை கோலியை மேம்படுத்தும் என நம்பலாம். எனவே இந்திய அணிக்கு இரண்டு கேப்டன்களின் மிகச்சிறந்த ஆளுமையில் வெற்றியை குவிக்கும் என நம்பலாம்.

கேப்டன் பதவியிலிருந்து விலகினார் தோனி

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்