August 29, 2026 
தண்டோரா குழு
கோவை சூயஸ் 24×7 குடிநீர் விநியோகத் திட்ட அலுவலகத்தில் ஊழியர்கள் ஓணம் பண்டிகையைக் கோலாகலமாக கொண்டாடினர்.
பணியிடத்தில் நடந்த இந்தக் கொண்டாட்டத்தில் பெரும்பாலான ஊழியர்கள் மகிழ்ச்சியுடன் கலந்து கொண்டனர்.தங்கள் வழக்கமான வேலைகளுக்கு இடையே சிறு ஓய்வு எடுத்துக்கொண்ட ஊழியர்கள், அலுவலகத்திற்கு ஒரு பாரம்பரியமான தோற்றத்தைக் கொடுத்தனர். இந்தக் கொண்டாட்டத்தின் ஒரு பகுதியாக, பெண் ஊழியர்கள் பூக்களைக் கொண்டு அழகாகப் பூக்கோலம் போட்டிருந்தனர்.
ஊழியர்கள் அனைவரும் பாரம்பரிய உடைகளை அணிந்து வந்து இந்த நிகழ்ச்சிக்கு மேலும் அழகு சேர்த்தனர்.சூயஸ் குடிநீர் விநியோகத் திட்டத்தின் திட்ட இயக்குனர் சங்ராம் பட்டநாயக் இந்த நிகழ்வில் கலந்துகொண்டு, விழாவைச் சிறப்பாக ஏற்பாடு செய்த ஊழியர்களைப் பாராட்டினார்.
இந்நிகழ்ச்சியில் அவர் பேசியதாவது:-
“ஓணம் என்பது நமது பாரம்பரியத்தைக் கொண்டாடுவதற்கும், நம்மைச் சுற்றியுள்ளவர்களுடன் நேரம் செலவிடுவதற்கும் ஏற்ற ஒரு பண்டிகையாகும். நமது சக ஊழியர்கள் பலரும் இந்தக் கொண்டாட்டங்களில் பங்கேற்றதைப் பார்ப்பது மிகவும் மகிழ்ச்சியாக இருந்தது. அழகிய பூக்கோலம், பாரம்பரிய உடைகள் மற்றும் அனைவரின் உற்சாகம் ஆகியவை இந்த நாளை மிகவும் சிறப்பாக்கியது,” என்று அவர் கூறினார்.
For English News
