ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

கடந்த நிதியாண்டில் அரசு வங்கிகளுக்கு ரூ.17,993 கோடி நஷ்டம் – சந்தோஷ்குமார் கங்வார்

December 5, 2016

தண்டோரா குழு

அரசுடைமை வங்கிகள் கடந்த நிதி ஆண்டில் ரூ. 17,993 கோடி நஷ்டம் அடைந்ததாக மத்திய நிதித்துறை இணை அமைச்சர் சந்தோ குமார் கங்வார் தெரிவித்தார்.

மக்களவையில் குளிர்கால கூட்டம் நடைபெற்று வருகிறது. இதில் 2015-16-ம் நிதி ஆண்டு அரசுடைமை வங்கிகளின் நிலை குறித்து மத்திய நிதித்துறை இணை அமைச்சர் சந்தோ குமார் கூறியிருப்பதாவது:

28 அரசு வங்கிகள் 2015-16-ம் நிதி ஆண்டில் எதிர்கொண்ட நஷ்டம் ரூ.17,993 கோடி. இவற்றில் 14 வங்கிகள் நிகர நஷ்டத்தை அடைந்துள்ளன. மற்றவை ஓரளவு லாபம் ஈட்டியுள்ளன.

பாங்க் ஆப் இந்தியா எதிர்கொண்ட நஷ்டம் ரூ. 6,089 கோடியாகும். பாங்க் ஆப் பரோடா ரூ. 5,396 கோடி, பஞ்சாப் நேஷனல் வங்கி ரூ. 3,974 கோடி, ஐடிபிஐ வங்கி ரூ. 3,665 கோடி, ஓரியண்டல் பாங்க் ஆப் காமர்ஸ் ரூ. 2,897 கோடி, யூகோ வங்கி ரூ. 2,799 கோடி, சிண்டிகேட் வங்கி ரூ. 1,643 கோடி, சென்ட்ரல் பாங்க் ஆப் இந்தியா ரூ.1,418 கோடி நஷ்டம் அடைந்துள்ளன.

வாராக் கடனுக்காக வங்கிகள் கூடுதல் தொகையை ஒதுக்கியதால் நஷ்டம் அடைந்தது.
இருப்பினும் கடன்களை வசூலிப்பதில் வங்கிகள் முனைப்பு காட்டி வருகின்றன. அடுத்த சில காலாண்டுகளில் வங்கிகள் லாபம் ஈட்டத் தொடங்கும். கடந்த நிதி ஆண்டில் லாபம் ஈட்டிய வங்கிகள் பட்டியலில் எஸ்பிஐ ரூ. 9,951 கோடி, ஸ்டேட் பாங்க் ஆப் ஹைதராபாத் ரூ. 1,065 கோடி, ஸ்டேட பாங்க் ஆப் பிகானீர் அண்ட் ஜெய்ப்பூர் ரூ. 851 கோடி, ஆந்திர வங்கி ரூ. 540 கோடி லாபம் ஈட்டியதாக அவர் தெரிவித்தார்.

அடுத்த நான்கு ஆண்டுகளில் அரசு வங்கிகளின் நிதி நிலையை மேம்படுத்துவதற்காக ரூ. 70 ஆயிரம் கோடியை முதலீடு செய்ய மத்திய அரசு திட்டமிட்டுள்ளது. இந்திர தனுஷ் என்ற பெயரிலான இத்திட்டம் 2018-19-ம் நிதி ஆண்டு வரை தொடரும்.இவ்வாறு சந்தோஷ் கங்வார் கூறினார்.

கடந்த நிதியாண்டில் அரசு வங்கிகளுக்கு ரூ.17,993 கோடி நஷ்டம் – சந்தோஷ்குமார் கங்வார்

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்