October 28, 2016 
தண்டோரா குழு
அனைத்துக் கட்சி கூட்டம் நடந்து முடிந்துள்ள நிலையில், அது தொடர்பான தீர்மானத்தை நிதியமைச்சர் ஓ. பன்னீர்செல்வத்திடம் கொடுக்க தலைமைச் செயலகத்துக்கு மு.க. ஸ்டாலின் சென்றார்.
பின்னர், தலைமைச் செயலகத்தில் செய்தியாளர்களிடம் மு.க. ஸ்டாலின் கூறியதாவது:
மதிப்பீட்டுக் குழு, பேரவைக்குழு, சட்டவிதிகள் குழு உள்ளிட்ட 12 குழுக்கள் இதுவரை அமைக்கப்பட வேண்டும். ஆனால், ஆட்சி அமைந்து 5 மாதங்கள் ஆன நிலையில் இதுவரை இந்தக் குழுக்கள் அமைக்கப்படவில்லை. இது தொடர்பாக ஏற்கெனவே நானும், துணைத் தலைவர் துரைமுருகனும் சட்டப் பேரவையில் பேரவைத் தலைவரிடம் பேசியிருக்கிறோம். அப்போது அவர் சட்டப் பேரவை குழுக்களை அமைப்பதாக கூறினார். அவர் அளித்த உறுதிமொழி சட்டப் பேரவைக் குறிப்பிலும் பதிவு செய்யப்பட்டது.
இந்நிலையில், சட்டப்பேரவை குழுக்கள் இதுவரை அமைக்கப்படாததால் அது தொடர்பாக ஒரு கடிதத்தைச் சட்டப் பேரவைத் தலைவர் கொடுப்பதற்காகவே பேரவைக்கு வந்தோம். ஆனால், அலுவலகத்தில் அவர் இல்லை. எனவே, பேரவைச் செயலாளரிடம் கடிதத்தை அளித்திருக்கிறோம்.
சட்டப் பேரவை குழுக்களை அமைப்பது தொடர்பாக பேரவைத் தலைவர் உடனடியாக நடவடிக்கை எடுக்காவிட்டால் அவர் மீது நம்பிக்கை இல்லாத் தீர்மானத்தைக் கொண்டு வருவோம்.தேவைப்பட்டால், தமிழக பொறுப்பு ஆளுநரையும் சந்தித்துப் பேசுவோம்.
கடந்த 25-ம் தேதி நடைபெற்ற அனைத்துக் கட்சிக் கூட்டத்தின் போது எடுக்கப்பட்ட தீர்மானத்தின் நகலை தமிழக முதல்வரின் பொறுப்புக்களைக் கூடுதலாகக் கவனித்து வரும் நிதியமைச்சர் ஒ. பன்னீர்செல்வத்திடம் கொடுக்க முற்பட்டோம்.ஆனால், அவரும் அலுவலகத்தில் இல்லை. எனவே, தீர்மான நகலை தலைமைச் செயலாளரிடம் கொடுத்துள்ளோம்” என்றார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
