April 27, 2016 
தண்டோரா குழு.
உலக வில்வித்தை சாம்பியன்ஷிப் போட்டியில், இந்திய வீராங்கனை தீபிகா குமாரி, உலக சாதனையைச் சமன் செய்துள்ளார்.
சமீபத்தில் பத்மஸ்ரீ விருதுபெற்றவர் இந்தியா வில்வித்தை நாயகி தீபிகா குமாரி (21). இவர் சீனாவில் நடைபெற்ற உலக வில்வித்தை சாம்பியன்ஷிப் போட்டியின் ரீகர்வ் பிரிவில் 720 புள்ளிகளுக்கு 686 புள்ளிகள் பெற்று உலக சாதனையைச் சமன் செய்துள்ளார். இதற்கு முன்பாக இச்சாதனையைச் 2015ம் ஆண்டு தென் கொரியாவைச் சேர்ந்த கி போயி புரிந்திருந்தார்.
தீபிகா குமாரி ஏற்கனவே ரியோ ஒலிம்பிக் போட்டிக்கு தகுதி பெற்றுள்ளார். மேலும் ஒலிம்பிக் போட்டியில் தங்கம் வெல்லவேண்டும் என்ற முனைப்பில் விளையாடி வரும் இவருக்கு இச்சாதனை புதிய நம்பிக்கையை ஏற்படுத்தியுள்ளது.
For English News
