September 27, 2026 
தண்டோரா குழு
உலகின் முன்னணி சர்வதேச எக்ஸ்பிரஸ் சேவை வழங்குநரான டீஎச்எல் எக்ஸ்பிரஸ், கட்டணம் (பிரைஸ்) அட்ஜஸ்ட்மென்ட்ஸை அறிவித்தது, இவை ஜனவரி 1, 2027 முதல் நடைமுறைக்கு வரும். இந்தியாவில் இந்த உயர்வு 8.9% ஆக இருக்கும்.
“சர்வதேச வர்த்தகம் வணிகங்களுக்கு புதிய வாய்ப்புகளை உருவாக்கிக்கொண்டே இருக்கிறது, அதே நேரத்தில் சப்ளை செயின்கள் அதிகரித்து வரும் அளவில் ஒன்றோடொன்று இணைக்கப்பட்டு சிக்கலானதாக மாறி வருகின்றன,” என்று டீஎச்எல் எக்ஸ்பிரஸில் தென் ஆசியாவின் எஸ்விபி ஆர் எஸ் சுப்ரமணியன் கூறினார். “இந்த மாறிவரும் சூழலில் எங்கள் வாடிக்கையாளர்கள் முன்னேற உதவ நாங்கள் உறுதிபூண்டுள்ளோம், அதற்காக எங்கள் உலகளாவிய நெட்வொர்க், டிஜிட்டல் திறன்கள், பாதுகாப்பு உள்கட்டமைப்பு மற்றும் நிலையான லாஜிஸ்டிக்ஸ் தீர்வுகளில் முதலீடு செய்து வருகிறோம்.
இந்த ஆண்டு பிரைஸ் அட்ஜஸ்ட்மென்ட், எங்கள் வாடிக்கையாளர்கள் எதிர்பார்க்கும் உயர் தரமான சேவை மற்றும் நம்பகத்தன்மையை பராமரிக்க எங்களுக்கு உதவுகிறது, அதே சமயம் எங்கள் உலகளாவிய செயல்பாடுகளின் மீள்தன்மை மற்றும் தகவமைப்புத் திறனை வலுப்படுத்துவதையும் தொடர்கிறோம்.
“டீஎச்எல் எக்ஸ்பிரஸ் பணவீக்க அழுத்தங்கள், நாணய ஏற்ற இறக்கங்கள் மற்றும் தொழில்துறை சார்ந்த செலவு மாற்றங்களை கணக்கில் எடுத்துக்கொள்ள ஆண்டுதோறும் தனது விலைகளை சரிசெய்கிறது. 220 க்கும் மேற்பட்ட நாடுகள் மற்றும் பிரதேசங்களில் செயல்படும் சர்வதேச அளவில் ஒருங்கிணைந்த வணிகமாக, டீஎச்எல் எக்ஸ்பிரஸ் உள்ளூர் பொருளாதார நிலைமைகளால் மட்டுமல்ல, உலகளாவிய சந்தைகளில் நிகழும் மாற்றங்களாலும் பாதிக்கப்படுகிறது.
பணவீக்கத்தைத் தவிர, நிறுவனத்தின் செலவு கட்டமைப்பு எரிசக்தி செலவுகள், இணக்க தேவைகள் மற்றும் தேசிய மற்றும் சர்வதேச அதிகாரிகளால் அறிமுகப்படுத்தப்பட்ட மாறிவரும் சுங்கம், ஒழுங்குமுறை மற்றும் பாதுகாப்பு நடவடிக்கைகள் தொடர்பான நிர்வாக செலவுகள் போன்ற காரணிகளால் பாதிக்கப்படுகிறது. பல நாடுகளில் தொடர்ந்து நிலவும் தொழிலாளர் சந்தை அழுத்தங்களும் செயல்பாட்டு செலவுகளை அதிகரிக்க பங்களிக்கின்றன.
வாடிக்கையாளர் வளர்ச்சியை ஆதரிக்கவும், உலகத் தரமான சர்வதேச நெட்வொர்க்கை பராமரிக்கவும், டீஎச்எல் எக்ஸ்பிரஸ் தனது உலகளாவிய உள்கட்டமைப்பு, விமானக் குழு நவீனமயமாக்கல் திட்டங்கள், டிஜிட்டல் திறன்கள் மற்றும் செயல்பாட்டு மீள்தன்மையில் கணிசமாக முதலீடு செய்வதைத் தொடர்கிறது.
சமீபத்திய மைல்கற்களில் 28 போயிங் 777 ஃப்ரைட்டர்கள் கொண்ட தனது விமானக் குழுவின் விநியோகங்கள் நிறைவடைந்தது, அதிக எரிபொருள்-திறன் கொண்ட விமானங்களின் அறிமுகம், மற்றும் அனைத்து பிராந்தியங்களிலும் உள்கட்டமைப்பு விரிவாக்கங்கள் மற்றும் மேம்பாடுகள் அடங்கும்.
For English News
