January 6, 2017 
தண்டோரா குழு
திமுக இளைஞரணியின் புதிய செயலராக முன்னாள் அமைச்சர் வெள்ளகோவில் மு.பெ. சாமிநாதன் நியமிக்கப்பட்டுள்ளார்.திமுக இளைஞரணிச் செயலராக இருந்த மு.க. ஸ்டாலின் அக்கட்சியின் செயல் தலைவராக நியமிக்கப்பட்டதைத் தொடர்ந்து இந்த அறிவிப்பு வெளியிடப்பட்டுள்ளது.
இது தொடர்பாக பொதுச் செயலாளர் அன்பழகன் வெளியிட்ட அறிவிப்பில்,
“தி.மு.க. இளைஞரணி செயலாளராக மு.பெ. சாமிநாதனும், இணைச் செயலாளராக சுப. சந்திரசேகரும் நியமிக்கப்படுகிறார்கள். கட்சியின் சட்ட விதி 18, 19 பிரிவுகளின் கீழ் இவர்கள் நியமிக்கப்பட்டுள்ளனர். ஏற்கனவே உள்ள இளைஞரணி துணைச் செயலாளர்கள் இவர்களுடன் இணைந்து பணியாற்றுவார்கள்” என்று தெரிவித்துள்ளார்.
புதிய இளைஞர் அணிச் செயலாளர் மு.பெ. சாமிநாதன் 2006-11 வரையிலான திமுக ஆட்சிக் காலத்தில் நெடுஞ்சாலை மற்றும் பராமரிப்புத் துறை அமைச்சராக இருந்தவர் என்பது குறிப்பிடத்தக்கது.
For English News
