August 15, 2017 
தண்டோரா குழு
திருவாரூரில் நடைபெற உள்ள எம்.ஜி.ஆர்., நூற்றாண்டு விழாவில் பங்கேற்க திமுக தலைவர் கருணாநிதிக்கு தமிழக அரசு சார்பில் அழைப்பு விடுக்கப்பட்டுள்ளது.
ஜெயலலிதாவின் மறைவுக்கு பிறகு அதிமுக மூன்று அணிகளாக பிரிந்து எம்.ஜி.ஆர் நூற்றாண்டு விழாவினை கொண்டாடி வருகிறது. இதனிடையே வரும் 19-ம் தேதி திருவாரூரில் தமிழக அரசு சார்பில் முதல்வர் எடப்பாடி பழனிச்சாமி சார்பில் எம்.ஜி.ஆர்., நூற்றாண்டு விழாக் கொண்டாடப்பட உள்ளது.
இதற்கான விழா அழைப்பிதழில் திருவாரூர் மாவட்டத்தை சேர்ந்த திமுக எம்.எல்.ஏக்.,களின் பெயர்கள் அச்சிடப்பட்டுள்ளன. அதில், திருவாரூர் எம்.எல்.ஏ., திமுக தலைவர் கருணாநிதியின் பெயரும் அச்சிடப்பட்டுள்ளது.
திமுக தலைவர் கருணாநிதி உடல்நலக்குறைவு காரணமாக நிகழ்ச்சிகள் எதிலும் பங்கேற்காமல் ஓய்வெடுத்து வருகிறார். இதனால் இந்நிகழ்ச்சியில் கலந்துக் கொள்ள மாட்டார் என அரசியல் விமர்சகர்கள் கருத்து தெரிவித்துள்ளனர்.
For English News
