May 24, 2026 
தண்டோரா குழு
சூலூர் சிறுமி பாலியல் வன்கொடுமை செய்து கொலை செய்யப்பட்ட சம்பவம் தொடர்பாக சமூக ஆர்வலர் மு.சிராஜ்தீன் வெளியிட்டுள்ள அறிக்கையில்,
கோவை மாவட்டம், சூலூர் அருகே பாப்பம்பட்டி பகுதியில் 10 வயது சிறுமி மீது நிகழ்ந்துள்ள கொடூரமான மற்றும் மனிதநேயமற்ற தாக்குதல் எங்களை ஆழ்ந்த அதிர்ச்சியிலும் துயரத்திலும் ஆழ்த்தியுள்ளது.
ஒரு பாதுகாப்பாக இருக்க வேண்டிய சமூகத்தில், ஒரு நிரபராத குழந்தை இவ்வாறு சிதைக்கப்பட்டு கொல்லப்பட்டு குளத்தில் வீசப்பட்டுள்ள சம்பவம் மனிதத்தன்மைக்கு நேரான சவாலாகும். இச்சம்பவம் சமூகத்தின் பாதுகாப்பு அமைப்புகள் மற்றும் ஒழுங்கு நிலை குறித்து கடுமையான கேள்விகளை எழுப்புகிறது.
இந்த அராஜகச் செயலில் ஈடுபட்டுள்ள குற்றவாளிகளை சட்டத்தின் கீழ் மிகக் கடுமையான தண்டனை வழங்கப்பட வேண்டும் என்று வலியுறுத்துகிறோம். மேலும், பாதிக்கப்பட்ட குடும்பத்திற்கு உரிய நீதி மற்றும் முழுமையான ஆதரவு வழங்கப்பட வேண்டும்.
பெண்கள் மற்றும் குழந்தைகளின் பாதுகாப்பை உறுதி செய்யும் வகையில் தமிழக அரசு மற்றும் சட்ட அமலாக்க அமைப்புகள் துரிதமான மற்றும் உறுதியான நடவடிக்கைகளை மேற்கொள்ள வேண்டியது அவசியமாகிறது.
ஒரு குழந்தையின் உயிர் பறிக்கப்பட்டுள்ளது என்பது ஒரு குடும்பத்தின் இழப்பாக மட்டுமல்ல, மொத்த சமூகத்தின் தோல்வியாகும்.இந்த மனிதத்தன்மையற்ற கொடூரச் சம்பவத்திற்கு எங்களது ஆழ்ந்த கண்டனத்தைத் தெரிவித்துக்கொள்கிறோம்.
இவ்வாறு அவர் கூறியுள்ளார்.
For English News
