September 29, 2026 
தண்டோரா குழு
ஸ்ரீ ராமகிருஷ்ணா மருத்துவமனை, கோயம்புத்தூர் சார்பில் உலக இருதய தினம் 2026 – இருதய-நுரையீரல் புத்துயிர்ப்பு சிகிச்சை (Cardiopulmonary Resuscitation – CPR) விழிப்புணர்வு நிகழ்ச்சி இன்று ரேஸ்கோர்ஸ் பகுதியில் உள்ள CSI Church அருகில் தொடங்கி வைக்கப்பட்டது. செப்டம்பர் 29 முதல் அக்டோபர் 4, 2026 வரை நடைபெறும் ஒரு வார கால பொதுமக்கள் விழிப்புணர்வு இயக்கத்தின் தொடக்கமாக இந்நிகழ்ச்சி அமைந்தது.
இந்நிகழ்ச்சி ஸ்ரீ ராமகிருஷ்ணா மருத்துவமனையின் நிர்வாக அறங்காவலர் டாக்டர் சுந்தர் ராமகிருஷ்ணன் மற்றும் கோயம்புத்தூர் மாவட்ட ஆட்சியர் பவன்குமார் ஜி. கிரியப்பனவர் ஆகியோரின் முன்னிலையில் தொடங்கி வைக்கப்பட்டது.
மேலும்,மருத்துவமனையின் மூத்த நிர்வாக மற்றும் மருத்துவத் தலைமைப் பொறுப்பாளர்களான சி.வி.ராம்குமார், தலைமை செயல் அதிகாரி டி.மகேஷ் குமார்,தலைமை நிர்வாக அதிகாரி,டாக்டர் எஸ்.ராஜகோபால்,மருத்துவ இயக்குநர், மற்றும் டாக்டர் எஸ்.அழகப்பன்,மருத்துவக் கண்காணிப்பாளர் ஆகியோரும் இந்நிகழ்ச்சியில் கலந்து கொண்டு சிறப்பித்தனர்.
First Heart Foundations Network நிறுவனத்தின் நிறுவனர் மற்றும் தலைவர் டாக்டர் டி.கே.சரவணன் அவர்களுடன் இணைந்து ஏற்பாடு செய்யப்பட்டுள்ள இந்த முயற்சி, உலக இருதய தினத்தின் “Don’t Miss a Beat” என்ற கருப்பொருளின் கீழ் நடத்தப்படுகிறது.திடீர் மாரடைப்பு அல்லது இருதய நிறுத்தம் ஏற்படும் சூழ்நிலைகளை உடனடியாக அடையாளம் காண்பதன் அவசியம், அவசரநிலைகளில் விரைவாக செயல்படுவதன் முக்கியத்துவம் மற்றும் உடனடியாக CPR வழங்குவதால் உயிரைக் காப்பாற்ற முடியும் என்பதைக் குறித்து பொதுமக்களிடம் விழிப்புணர்வு ஏற்படுத்துவதே இந்நிகழ்ச்சியின் முக்கிய நோக்கமாகும்.
தொடக்க நிகழ்ச்சியின் ஒரு பகுதியாக, Allied Health Sciences (AHS) மாணவர்கள் CPR-ன் முக்கியத்துவத்தை எடுத்துரைக்கும் மைம் நிகழ்ச்சி மற்றும் விழிப்புணர்வு நாடகத்தை வழங்கினர். திடீர் இருதய நிறுத்தத்தை சரியான நேரத்தில் அடையாளம் காணுதல் மற்றும் உடனடியாக CPR தொடங்குதல் போன்ற நடவடிக்கைகள், இருதய அவசரநிலைகளில் எவ்வாறு உயிரைக் காப்பாற்ற உதவுகின்றன என்பதை மாணவர்கள் தங்களது நிகழ்ச்சிகள் மூலம் விளக்கினர். எளிதில் புரிந்துகொள்ளக்கூடிய மற்றும் பொதுமக்களை ஈர்க்கும் வகையில் வழங்கப்பட்ட இந்த நிகழ்ச்சிகள், CPR குறித்த உயிர்காக்கும் செய்தியை வலியுறுத்தியதுடன், அவசரநிலைகளை எதிர்கொள்ள பொதுமக்கள் தயாராக இருப்பதன் அவசியத்தையும் எடுத்துரைத்தன.
ஒரு வார கால CPR விழிப்புணர்வு நிகழ்ச்சிகள் கோயம்புத்தூரின் பல முக்கிய பொதுமக்கள் கூடும் இடங்களில் நடத்தப்பட உள்ளன. ரேஸ்கோர்ஸ், கோயம்புத்தூர் சர்வதேச விமான நிலையம், கோயம்புத்தூர் ரயில் நிலையம், செம்மொழிப் பூங்கா, PRS மைதானம், Broadway மற்றும் Fun Mall உள்ளிட்ட இடங்களில் விழிப்புணர்வு நிகழ்ச்சிகள் நடைபெறும். மக்கள் அதிகம் கூடும் இடங்களுக்கு நேரடியாக CPR விழிப்புணர்வை கொண்டு செல்வதன் மூலம், சமூகத்தின் பல்வேறு தரப்பினரையும் சென்றடைந்து விழிப்புணர்வு ஏற்படுத்துவதே இந்த முயற்சியின் நோக்கமாகும்.
இந்த நிகழ்ச்சிகளின் போது,ஸ்ரீ ராமகிருஷ்ணா இன்ஸ்டிடியூட் ஆஃப் பாராமெடிக்கல் சயின்சஸ் நிறுவனத்தின் பயிற்சி பெற்ற மாணவர்கள் தன்னார்வலர்களாகப் பங்கேற்று, பொதுமக்களுக்கு அடிப்படை CPR செயல்முறைகளை செய்முறை விளக்கத்துடன் கற்றுக்கொடுப்பதுடன், நேரடி பயிற்சி மற்றும் விழிப்புணர்வு அமர்வுகளின் மூலம் அவர்களுக்கு வழிகாட்டுவார்கள்.
இருதய-நுரையீரல் புத்துயிர்ப்பு சிகிச்சையின் அடிப்படை முறைகள் மற்றும் ஒருவர் திடீர் இருதய நிறுத்தத்தால் பாதிக்கப்படும்போது விரைந்து செயல்பட வேண்டியதன் முக்கியத்துவத்தை பொதுமக்கள் புரிந்துகொள்ளச் செய்வதில் இந்த நிகழ்ச்சி சிறப்பு கவனம் செலுத்துகிறது. உடனடியாக CPR வழங்குவதன் மூலம், அவசர மருத்துவ உதவி கிடைக்கும் வரை மூளை மற்றும் பிற முக்கிய உடல் உறுப்புகளுக்கு இரத்த ஓட்டம் தொடர்ந்து கிடைக்க உதவ முடியும்.
நிகழ்ச்சியில் பேசிய ஸ்ரீ ராமகிருஷ்ணா மருத்துவமனையின் நிர்வாக அறங்காவலர் டாக்டர் சுந்தர் ராமகிருஷ்ணன்,
உயிர்காக்கும் அடிப்படை மருத்துவ விழிப்புணர்வு மருத்துவமனை வளாகத்திற்குள் மட்டுமல்லாமல், பொதுமக்களிடமும் பரவ வேண்டும் என்பதன் அவசியத்தை வலியுறுத்தினார். CPR குறித்த அடிப்படை அறிவும் விழிப்புணர்வும் அதிகரிப்பதன் மூலம் வீடுகள், பணியிடங்கள் மற்றும் பொதுமக்கள் கூடும் இடங்களில் ஏற்படும் அவசரநிலைகளில் மக்கள் அதிக நம்பிக்கையுடன் செயல்பட முடியும் என்றும் அவர் குறிப்பிட்டார்.
ஸ்ரீ ராமகிருஷ்ணா மருத்துவமனை தனது இருதயவியல் மற்றும் இருதய-மார்பு அறுவை சிகிச்சைத் துறைகள் மூலம் மேம்பட்ட இருதய சிகிச்சை சேவைகளை தொடர்ந்து வலுப்படுத்தி வருகிறது. சிறப்பு அவசர இருதய சிகிச்சை சேவைகள், அனுபவமிக்க மருத்துவக் குழுக்கள், நவீன தொழில்நுட்ப வசதிகள் மற்றும் பல்துறை ஒருங்கிணைந்த மருத்துவ பராமரிப்பு ஆகியவை இதற்கு ஆதரவாக உள்ளன.
மேலும், American Heart Association அங்கீகாரம் பெற்ற Comprehensive Chest Pain Center கொண்ட தமிழ்நாட்டின் முதல் மருத்துவமனை என்ற சிறப்பைப் ஸ்ரீ ராமகிருஷ்ணா மருத்துவமனை பெற்றுள்ளது. நெஞ்சுவலி மற்றும் திடீர் இருதய பாதிப்பு சந்தேகத்துடன் மருத்துவமனைக்கு வரும் நோயாளிகளை விரைவாக மதிப்பீடு செய்து, ஒருங்கிணைந்த முறையில் சிகிச்சை அளிக்கும் மருத்துவமனையின் கட்டமைக்கப்பட்ட அணுகுமுறையை இந்த அங்கீகாரம் பிரதிபலிக்கிறது.
இந்த உலக இருதய தின முயற்சியின் மூலம், ஸ்ரீ ராமகிருஷ்ணா மருத்துவமனை மற்றும் First Heart Foundations Network இணைந்து, திடீர் இருதய அவசரநிலைகளின் ஆரம்ப அறிகுறிகளை அடையாளம் காணுதல், உடனடியாக செயல்படுதல் மற்றும் CPR வழங்குதல் ஆகியவற்றின் அவசியத்தை மக்களிடம் கொண்டு சேர்த்து, மேலும் விழிப்புணர்வும் அவசரநிலைத் தயார்நிலையும் கொண்ட சமூகத்தை உருவாக்க முனைகின்றன.
இந்த ஒரு வார கால விழிப்புணர்வு இயக்கம் அக்டோபர் 4, 2026 வரை கோயம்புத்தூரின் பல்வேறு பகுதிகளில் தொடரும். “Don’t Miss a Beat” என்ற செய்தியை பொதுமக்களிடம் கொண்டு செல்லும் இந்த முயற்சி, மேம்பட்ட இருதய சிகிச்சை, பொதுச் சுகாதார விழிப்புணர்வு மற்றும் அவசரநிலைகளை எதிர்கொள்ளும் சமூகத் தயார்நிலையை வலுப்படுத்துவதில் ஸ்ரீ ராமகிருஷ்ணா மருத்துவமனையின் தொடர்ச்சியான அர்ப்பணிப்பை எடுத்துக்காட்டுகிறது.
For English News
