May 12, 2020 தண்டோரா குழு
தர்பார் படத்தின் வெற்றியை தொடர்ந்து
சூப்பர்ஸ்டார் ரஜினிகாந்த் சன் பிக்சர்ஸ் நிறுவனம் தயாரிப்பில், இயக்குனர் சிவா இயக்கத்தில் நடித்து வருகிறார்.
‘அண்ணாத்த’ எனப் பெயரிடப்பட்டுள்ள இப்படத்தில் குஷ்பு, மீனா, கீர்த்தி சுரேஷ், நயன்தாரா, சூரி, சதீஷ் உள்ளிட்ட பலர் நடிக்கின்றனர்.டி.இமான் இசையமைத்து வரும் இப்படத்தின் படப்பிடிப்புகள் விறுவிறுப்பாக நடைபெற்று வந்த நிலையில்,கரோனா தொற்று காரணமாக படப்பிடிப்பு தற்காலிகமாக நிறுத்திவைக்கப்பட்டுள்ளது.
இதையடுத்து,இப்படத்தின் படப்பிடிப்பை விரைவில் தொடங்கி, வரும் தீபாவளிக்கு ‘அண்ணாத்த’ படம் வெளியாகும் என எதிர்பார்க்கப்பட்ட நிலையில் கொரோனா அச்சுறுத்தல் தொடர்வதால் ‘அண்ணாத்த’ படம் வரும் 2021ஆம் ஆண்டு பொங்கல் தினத்தன்று வெளியாகும் என படக்குழு தற்போது அதிகாரபூர்வமாக அறிவித்துள்ளனர்.