July 18, 2017 
தண்டோரா குழு
கர்நாடக சிறைத்துறை புதிய டி.ஐ.ஜி.யாக ஐ.பி.எஸ்.அதிகாரி ரேவண்ணா நியமனம் செய்யப்பட்டுள்ளார்.
சொத்துகுவிப்பு வழக்கில் பெங்களூரு பரப்பன அக்ரஹார சிறையில் தண்டனை அனுபவித்து வரும் சசிகலா, சிறைக்குள் வசதியான வாழ்க்கையை வாழ்ந்து வருவதாகவும் அதற்காக உயர் அதிகாரிகளுக்கு ரூ.2 கோடி லஞ்சம் கொடுத்ததாகவும் சிறைதுறை டிஐஜி ரூபா உள்துறை, சிறைத்துறை டிஜிபிக்கு கடிதம் எழுதியிருந்தார்.
இது நாடு முழுவதும் பெரும் பரபரப்பை ஏற்படுத்தியது. இதனால் கர்நாடக முதல்வர் சித்தராமையா இதுகுறித்து விசாரிக்க ஓய்வு பெற்ற ஐ.ஏ.எஸ் அதிகாரி வினய் குமார் தலைமையில் விசாரணை கமிஷன் ஒன்றை அமைத்தார். இதற்கிடையில், நேற்று டிஐஜி ரூபா பணியிடமாற்றம் செய்யப்பட்டார்.
இந்நிலையில், கர்நாடக சிறைத்துறை புதிய டி.ஐ.ஜி.யாக ஐ.பி.எஸ்.அதிகாரி ரேவண்ணா நியமனம் செய்யப்பட்டுள்ளார். மேலும், இவர் பெங்களூரு மத்திய சிறை தலைமை கண்காணிப்பாளர் பணியையும் கூடுதலாக கவனிப்பார் என உத்தரவிடப்பட்டுள்ளது.
For English News
