June 12, 2017 
தண்டோரா குழு
டெல்டா மாவட்ட விவசாயிகளுக்கு ரூபாய் 56.92 கோடி நிதி ஒதுக்கி தமிழக முதலமைச்சர் எடப்பாடி பழனிசாமி உத்தரவிட்டுள்ளார்.
காவிரி டெல்டா பாசனத்திற்காக மேட்டூர் அணையிலிருந்து ஆண்டுதோறும் ஜுன் மாதம் தண்ணீர் திறந்து விடப்படும். ஆனால், இந்த வருடம் பருவ மழை இல்லாத காரணத்தால், மேட்டூர் அணையில் இருந்து தண்ணீர் திறக்க முடியாத நிலை ஏற்பட்டுள்ளது.
இதனையடுத்து டெல்டா மாவட்ட விவசாயிகளின் நலன் கருதி ரூ.56.92 கோடி நிதி ஒதுக்குவதாக தமிழக முதல்வர் அறிவித்துள்ளார்.
மேலும், பயறுகளின் சாகுபடியை ஊக்கப்படுத்த விதைகளுக்கு ஏக்கருக்கு ரூ.960 வீதம் வழங்கப்படும் எனவும், இந்த ஆண்டும் 12 மணி நேர மும்முனை மின்சாரம் வழங்கப்படும் எனவும் அறிவித்துள்ளார்.
இதுத் தவிர நெல் பயிருக்கு மாற்றாக 1.32 லட்சம் ஏக்கர் பரப்பளவில் மாற்று பயிர் சாகுபடி நடவடிக்கை, பயிர் மற்றும் நெல் சாகுடி விவசாயிகளுக்கு உரங்கள் 100 சதவீதம் மானியத்தின் கீழ் வழங்கப்படும் எனவும், நெல் நடவு இயந்திரங்களைக் கொண்டு நடவு செய்ய ரூ.4000ம்,ஜிங்க் சல்பேட் மற்றும் உயிர் உரங்களுக்கு ஏக்கருக்கு ரூ.520 வழங்கப்படும் என முதலமைச்சர் அறிவித்துள்ளார்.
For English News
