June 7, 2017 
தண்டோரா குழு
கொடநாடு கொலை வழக்கில் கைது செய்யப்பட்ட சயன் மீண்டும் மருத்துவமனையில் அனுமதிக்கப் பட்டுள்ளார்.
மறைந்த முன்னாள் முதல்வர் ஜெயலலிதாவிற்கு சொந்தமான கொடநாடு பங்களாவில் கடந்த ஏப்ரல் மாதம் 24ம் தேதி காவலாளி ஓம்பகதூர் கொலை செய்யப்பட்டு கொள்ளை சம்பவம் நடந்தது.
இதுகுறித்து காவல் துறையினர் விசாரணை மேற்கொண்டதில் 11 பேர் கொண்ட கும்பல் இச்செயலில் ஈடுபட்டது தெரியவந்தது. இதனிடையே முக்கிய குற்றவாளியான கனகராஜ் ஆத்தூர் அருகே ஏப்ரல் 29 ஆம் தேதி இரவு அன்று விபத்தில் உயிரிழந்தார். இதற்கு அடுத்தநாள் அதிகாலையில் கனகராஜின் நெருங்கிய நண்பரும், இவ்வழக்கில் மற்றொரு முக்கிய குற்றவாளியுமான சயான் திருச்சூர் பைபாஸ் சாலையில் கண்ணாடி என்கிற இடத்தில் கார் விபத்தில் படுகாயமடைந்தார். இதில் இவரது மனைவி மற்றும் குழந்தை விபத்தில் பலியாயினர்.
இதில் படுகாயம் அடைந்த சயனுக்கு கோவை தனியார் மருத்துவமனையில் சிகிச்சை அளிக்கபட்டு பின்னர் அரசு மருத்துவமனைக்கு மாற்றப்பட்டார்.
இதனைத்தொடர்ந்து கோவை அரசு மருத்துவமனையில் இருந்து சயானை குன்னூர் நீதிமன்றத்தில் ஆஜர்படுத்த பலத்த பாதுகாப்புடன் போலீசார் நேற்று அழைத்து சென்றனர்.இதையடுத்து, கோத்தகிரி குற்றவியல் நீதிமன்றம் சயனுக்கு 15 நாட்கள் நீதிமன்ற காவல் அளித்து உத்தரவிட்டது.
இந்நிலையில், சயனுக்கு மீண்டும் உடல்நலக்குறைபாடு ஏற்பட்டதை தொடர்ந்து கோவை அரசு மருத்துவமனையில் அனுமதிக்கப் பட்டுள்ளார்
For English News
