May 10, 2017 
தண்டோரா குழு
ஆஸ்திரேலியாவை சார்ந்த கோண்டஸ் விமான நிறுவனத்தின் தலைமை அதிகாரி பேசிக்கொண்டிருக்கும் போது அவரது முகத்தில் மற்றொருவர் கேக் உணவை பூசிய சம்பவம் அங்கு பரபரப்பை ஏற்படுத்தியுள்ளது.
ஆஸ்திரேலியாவின் பெர்த் நகரில் கோண்டஸ் விமான நிறுவனத்தின் தலைமை அதிகாரி ஆலன் ஜாய்ஸ் கூட்டம் ஒன்றில் ‘லண்டன் நகரிலிருந்து பெர்த் நகருக்கு இடையே நேடியாக பயணம் செய்யும் விமானம் ஒன்றை தொடங்குவதை’ குறித்து பேசிக்கொண்டிருந்தார்.
அப்போது, பார்வையாளர் ஒருவர் திடீரென எழுந்து மேடைக்கு வந்து அவருடைய முகத்தில் ‘பை’ என்ற கேக் உணவை பூசினார். இதனால் ஜாய்ஸ் அதிர்ச்சியடைந்தார்.
அதன் பின் அவர் உடனே அங்கிருந்து எந்த ஒரு சலனமும் இல்லாமல் சென்று தனது முகத்தை சுத்தம் செய்துவிட்டு, மீண்டும் கூட்டத்திற்கு வந்தார். இதனால் அவரை மக்கள் கைத்தட்டி மகிழ்ச்சியுடன் வரவேற்றனர். “இவ்வாறு நடந்ததற்கு என்ன காரணம் என்று எனக்கு தெரியவில்லை” என்றார் அவர்.
இந்த சம்பவத்தை பார்த்த ஒருவர் கூறுகையில்,
“இப்படிப்பட்ட ஒரு சம்பவம் நடக்க என்ன காரணம் என்று தெளிவாக தெரியவில்லை” என்றார்.
“இந்த சம்பவத்திற்கு காரணமான அந்த நபரை கைது செய்துள்ளோம். அவரிடம் தீவிர விசாரணை மேற்கொண்டு வருகிறோம்” என்று பேர்த் காவல்துறை அதிகாரி தெரிவித்தார்.
மேலும், இப்படிப்பட்ட சம்பவம் நடந்து முதல்முறை அல்ல. நியூஸ் கார்ப் நிர்வாக தலைவர், ரூபர்ட் முர்டோக், மைக்ரோசாப்ட் நிறுவனர் பில் கேட்ஸ், மற்றும் தொலைக்காட்சி தொகுப்பாளர் ஜெர்மி கிளார்க்சன் ஆகியோருக்கும் இது போன்ற சம்பவம் நடத்துள்ளது என்பது குறிப்பிடத்தக்கது.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
