January 28, 2017 
தண்டோரா குழு
ராணுவ வீரர்கள் தங்களின் குறைகளைத் தெரிவிப்பதற்கு வசதியாக பிரத்யேக “வாட்ஸ் அப்” எண்ணை ராணுவ தலைமைத் தளபதி பிபின் ராவத் அறிமுகப்படுத்தியுள்ளார்.
எல்லையில் பாதுகாப்புப் பணியில் ஈடுபடும் தங்களுக்கு தரமில்லாத உணவு வழங்கப்படுவதாக எல்லைப் பாதுகாப்புப் படை (பி.எஸ்.எப்.) வீரர் ஒருவர் சமூக வலைதளங்களில் வீடியோ ஒன்றை வெளியிட்டிருந்தார். இந்த வீடியோ நாடு முழுவதும் பரவிய நிலையில் வேறு சில பி.எஸ்.எப். வீரர்களும், தங்கள் குறைகளைச் சமூக வலைதளங்களில் பகிரத் தொடங்கினர்.
இதனைத் தொடர்ந்து ராணுவ வீரர்கள் தங்களின் குறைகளை வெளியிடக் கூடாது என்று ராணுவ தலைமைத் தளபதி பிபின் ராவத் எச்சரிக்கை விடுத்திருந்தார்.
இந்நிலையில் ராணுவ வீரர்கள் தங்களின் குறைகளை தெரிவிப்பதற்காக +91 9643300008 என்ற பிரத்யேக “வாட்ஸ் அப்” எண்ணை ராணுவ தலைமைத் தளபதி பிபின் ராவத் அறிமுகப்படுத்தினார்.
For English News
