November 17, 2023 
தண்டோரா குழு
கோயமுத்தூர் ரோட்டரி கிளப் அமைப்புகளின் கலந்தாய்வு கூட்டம் கோவையில் நடைபெற்றது.
இதில் புற்றுநோய் மற்றும் எலும்பு தொடர்பான சிகிச்சை முறைகள் குறித்து மருத்துவர்கள் விழிப்புணர்வு ஏற்படுத்தினர்.
ரோட்டரி கிளப் ஆப் கோயமுத்தூர் அமைப்பின் கீழ் உள்ள ரோட்டரி அமைப்புகளின் கலந்தாய்வு கூட்டம் அவினாசி சாலையில் உள்ள இந்திய வர்த்தக சங்க அரங்கில் நடைபெற்றது.
நிகழ்ச்சியில் வழக்கறிஞர் பிரபு சங்கர் தலைமை தாங்கினார். ரோட்டரி கிளப் கோயமுத்தூர் அமைப்பின் தலைவர் விஜய் பாலசுந்தரம்,செயலாளர் சரவணன் ஆகியோர் முன்னிலை வகித்தனர். நிகழ்ச்சியில் சிறப்பு அழைப்பாளர்களாக ராவ் மருத்துவமனையின் தலைவர் மருத்துவர் ஆஷா ராவ் மற்றும் பி.ஆர்.ஜே.மருத்துவமனையின் இயக்குனர் மருத்துவர் சதீஷ் குமார் ஆகியோர் கலந்து கொண்டனர்.
முன்னதாக பேசிய மருத்துவர் ஆஷா ராவ்,
ஆண்கள் மற்றும் பெண்களிடையே அதிகரித்து வரும் புற்று நோயின் தாக்கம் குறித்தும் அதனை தடுக்க வேண்டிய வழிமுறைகள் குறித்தும் பேசினார்.குறிப்பாக புற்று நோய் வராமல் பாதுகாத்து கொள்வதற்கான தடுப்பூசிகள் குறித்தும், பெண்கள் புற்றுநோய்களில் இருந்து தங்களை பாதுகாத்து கொள்வதும் குறித்தும் அவர் பேசினார்.
தொடர்ந்து பேசிய மருத்துவர் சதீஷ் குமார்,தற்போது எலும்பு தொடர்பான சிகிச்சையில் வந்துள்ள பல்வேறு நவீன சிகிச்சை முறைகள் குறித்து பேசினார்.எலும்பு தேய்மானம் அதனால் வரும் பாதிப்புகள் அதனை தடுக்கும் முறைகள் குறித்து அவர் விளக்கமளித்தார். எலும்பு தொடர்பான நோய் மற்றும் சிகிச்சை முறைகள்,புற்றுநோய் குறித்த விழிப்புணர்வு என நடைபெற்ற இந்நிகழ்ச்சியில் ரோட்டரி கிளப் கோவை அமைப்புகளை சேர்ந்த நிர்வாகிகள் பலர் கலந்து கொண்டனர்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
