October 3, 2023 
தண்டோரா குழு
உலக மார்பக புற்று நோய் மாதத்தை முன்னிட்டு கோவை ஶ்ரீ இராமகிருஷ்ணா புற்றுநோய் சிகிச்சை மற்றும் ஆராய்ச்சி மையம் சார்பில் மார்பக புற்று நோய்க்கான டிஜிட்டல் விழிப்புணர்வு அனிமேஷன் கார்டூன் வீடியோ தமிழ் மற்றும் ஆங்கில மொழிகளில் வெளியிடப்பட்டது.
இந்த நிகழ்வில் ஶ்ரீ இராமகிருஷ்ணா புற்றுநோய் சிகிச்சை மற்றும் ஆராய்ச்சி மையத்தின் இயக்குனர் மருத்துவர் குகன் வரவேற்புரையாற்றினார்.
அப்போது அவர் பேசியதாவது,
ஒவ்வொரு ஆண்டும் மார்பக புற்றுநோயால் பாதிக்கப்படும் பெண்களின் எண்ணிக்கை அதிகரித்து வருகின்றது. ஓவ்வொரு ஆண்டும் இந்தியாவில் சுமார் 1.90 லட்சம் பெண்கள் இந்த மார்பக புற்றுநோயால் பாதிக்கப்பட்டு வருகின்றனர். இதில் 50% சதவிகித பெண்கள் நோயின் தன்மை இறுதி கட்டத்தை எட்டும் போதே சிகிச்சைக்கு வருகின்றனர். இவ்வாறு வருபவர்களுக்கு மருத்துவ உதவி அளித்த போதும் இறப்பை தடுக்க முடிவதில்லை என தெரிவித்தார்.
மார்புக புற்றுநோயினால் பாதிக்கப்பட்டவர்கள் ஆரம்ப நிலையிலேயே சிகிச்சை பெறும் போது அவர்களை முற்றிலும் குணப்படுத்த முடியும் எனவும் ஆகவே தற்போது மார்பக புற்றுநோய் குறித்து விழிப்புணர்வை ஏற்படுத்தி வருவதாக ஶ்ரீ இராமகிருஷ்ணா புற்றுநோய் சிகிச்சை மற்றும் ஆராய்ச்சி மையத்தின் இயக்குனர் மருத்துவர் குகன் தெரிவித்தார்.
இது குறித்து விழிப்புணர்வை ஏற்படுத்திட உருவாக்கப்பட்ட அனிமேஷன் கார்டூன் வீடியோக்களை எஸ்.என்.ஆர் அறக்கட்டளையின் செயல் அதிகாரி சுவாதி ரோஹித்,நிர்வாக அறங்காவலர் லட்சுமி நாராயண சுவாமி ஆகியோர் முன்னிலையில் வெளியிடப்பட்டது.
இந்த நிகழ்வில் ஶ்ரீ இராமகிருஷ்ணா புற்றுநோய் சிகிச்சை மற்றும் ஆராய்ச்சி மையத்தின் அறுவை சிகிச்சை நிபுணர் மருத்துவர் கார்த்திகேயன், இராமகிருஷ்ணா மருத்துவமனை முதல்வர் மருத்துவர் ராஜகோபால், அறக்கட்டளையின் தலைமை செயல் அதிகாரி ராம்குமார் ஆகியோர் கலந்து கொண்டனர்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
