September 1, 2023 
தண்டோரா குழு
தமிழக கிரசர் மற்றும் குவாரி உரிமையாளர்கள் சங்க கூட்டம் கோவை பீளமேட்டில் நடந்தது.இதில் கோவை, ஈரோடு,திருப்பூர்,கரூர்,பெரம்பலூர், நாமக்கல்,சேலம் மாவட்டங்களை சேர்ந்த கிரசர் மற்றும் குவாரி உரிமையாளர்கள் பங்கேற்றனர்.
இதில் சங்கத்தின் கோவை மாவட்ட தலைவர் கேசிபி சந்திரபிரகாஷ் கலந்து கொண்டு பேசியதாவது,
குவாரி தொழிலை தூய்மைப்படுத்த வேண்டிய நேரம் வந்துவிட்டது. இந்த தொழில் செய்பவர்களை கேவலமாக பேசி வருகிறார்கள். நமது சங்கம் அரசு மற்றும் கனிமவளத்துறையுடன் இணைந்து இந்த தொழிலை தூய்மைப்படுத்தும் வகையில் செயல்பட போகிறது.
முதல் கட்டமாக சங்கத்தை சார்ந்த குவாரி உரிமையாளர்கள் ராயல் டி சீட்டு வாங்கி கனிம பொருட்கள் கொண்டு செல்ல வேண்டும். சட்டவிரோதமாக கனிம பொருட்களை எடுக்கக் கூடாது. 7 மாவட்டங்களில் இதை முறையாக பின்பற்ற வேண்டும்.பெரம்பலூர் மாவட்டத்தில் அரசு குவாரிகள் மட்டும் இருக்கிறது. அங்கேயும் இந்த நடைமுறையை முறையாக பின்பற்ற வேண்டும்.
சட்டவிரோதமாக குவாரிகளில் இருந்து கனிம பொருட்களை இன்று முதல் எடுக்கவே கூடாது. அப்படி செய்தால் சங்கம் சார்பில் அரசு மற்றும் கனிமவளத்துறைக்கு புகார் தெரிவிக்கப்படும்.மாநில சங்கத்தின் அறிவுறுத்தல் படி இந்த முடிவு எடுக்கப்பட்டிருக்கிறது.சட்டவிரோதமாக கனிம பொருட்களை எடுக்க பயன்படுத்தும் இயந்திரங்களை எடுத்துச் சென்று விடுங்கள். அனுமதி இல்லாமல் சிறு கற்களை கூட எடுக்க கூடாது.
சட்டவிரோதமாக கனிமம் எடுத்தால் அபராதம் மட்டுமல்ல ஜெயிலுக்கு போக வேண்டிய நிலைமையும் வந்துவிடும். அமைச்சர் பொன்முடி மீது கடந்த காலத்தில் அவர் பதவியில் இருந்த போது சட்டவிரோதமாக கனிமம் எடுத்ததாக வழக்கு போட்டார்கள். இப்போதும் அவர் அமைச்சர் இருந்தபோதிலும் வழக்கு அப்படியே இருக்கிறது.
அவருக்கே அந்த நிலை என்றால் நமது தொழில் அதிபர்கள் நிலைமை என்ன ஆகும் என நினைத்து பார்க்க வேண்டும். 100 சதவீதம் நாம் முறையாக அனுமதி பெற்று கனிம பொருட்களை எடுக்க வேண்டும். மீறினால் சங்கம் சார்பில் கனிமவளத்துறையில் புகார் தரப்படும். அவர்கள் நடவடிக்கை எடுப்பார்கள் என்றார்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
