August 3, 2023 
தண்டோரா குழு
கோவை ஆலாந்துறை பகுதியில் நொய்யல் ஆற்று படுகையில் அரசு அனுமதி இன்றி மணல் எடுப்பதாக ஆலாந்துறை கிராம நிர்வாக அலுவலருக்கு தகவல் கிடைத்துள்ளது.இதனை அடுத்து கிராம நிர்வாக அலுவலர் உட்பட அதிகாரிகள் சம்பவ இடத்திற்கு சென்று பார்வையிட்ட போது அங்கு மூன்று பேர் மணல் எடுத்துக் கொண்டிருந்தது தெரிய வந்தது.
இதனை அடுத்து அவர்களிடம் நடத்தப்பட்ட விசாரணையில் அவர்களின் பெயர் கதிர்வேல்,ராபூல் உசேன், நபி உசேன் என்பதும் அனுமதியின்றி மணல் எடுத்து கொண்டிருந்ததும் தெரிய வந்தது. இதனை அடுத்து மூவர் மீதும் ஆலாந்துறை காவல் நிலையத்தில் கிராம நிர்வாக அலுவலர் அளித்த புகாரின் பேரில் வழக்கு பதிவு செய்த போலீசார் மூவரையும் கைது செய்தனர்.
மேலும் இவ்வழக்கில் சம்பந்தப்பட்ட வாகனத்தின் உரிமையாளர் சுகுமார் என்பவரை காவல் துறையினர் தேடி வருகின்றனர்.மேலும் இந்த மணல் கொள்ளைக்கு பயன்படுத்திய ஈச்சர் வாகனம் ஒன்றும் பறிமுதல் செய்யப்படுள்ளது.
For English News
