June 28, 2023 
தண்டோரா குழு
27 ஜூன் 2023 அன்று, “இந்தியாவின் கலாச்சார பன்முகத்தன்மை மற்றும் பாரம்பரியம் – அடுத்த தலைமுறையின் பங்கு” என்ற தலைப்பில் மாணவர்களுடன் கலந்துரையாடுவதற்காக, இந்தியாவின் சுற்றுலா, கலாச்சாரம், மற்றும் வடகிழக்கு பிராந்தியத்தின் மேம்பாட்டுக்கான மத்திய அமைச்சர் ஸ்ரீ ஜி. கிஷன் ரெட்டி, PSG இன்ஸ்டிடியூட் ஆஃப் மேனேஜ்மென்ட்டுக்கு விஜயம் செய்தார்.
இந்நிகழ்ச்சிக்கு சிறப்பு விருந்தினராக புதுச்சேரி துணை முதல்வரும் உள்துறை அமைச்சருமான ஏ.நமசிவாயம், தமிழ்நாடு பாரதிய ஜனதா கட்சியின் மாநில துணைத் தலைவர் பேராசிரியர் கனகசபாபதி, கோவை தெற்கு எம்.எல்.ஏ வானதி சீனிவாசன். PSG இன்ஸ்டிடியூட் ஆப் மேனேஜ்மென்ட் இயக்குநர் (பொறுப்பு) டாக்டர் வி ஸ்ரீவித்யா வரவேற்புரை வழங்கினார்.
PSG நிறுவனங்களின் நிர்வாக அறங்காவலர் ஸ்ரீ எல்.கோபாலகிருஷ்ணன் அனைவருக்கும் நினைவுப் பரிசு வழங்கினார். மத்திய அமைச்சர் ஸ்ரீ ஜி. கிஷன் ரெட்டி தனது உரையில், கோயம்புத்தூர் தொழில் முனைவோர் மற்றும் புதுமைகளின் பூமி என்று வலியுறுத்தினார். அவர் தனது குழந்தைப் பருவ நாட்களையும், அந்த நாட்களில் தனது கல்வியை முடிக்கும் போராட்டங்களையும் நினைவு கூர்ந்தார்.
மேலும் அவர் கோயம்புத்தூரில் தயாரிக்கப்பட்ட தனது கிராமத்தில் பயன்படுத்தப்பட்ட மின் மோட்டார் பற்றி குறிப்பிட்டார். மேலும், கோவையின் வரலாற்றில் படைப்பாற்றல், புதுமை, தொழில்முனைவு ஆகியவை உள்ளது என்றும் அவர் கூறினார். “ஜனநாயகம் என்பது பொறுப்புக்கூறல் பற்றியது” என்று வலியுறுத்தினார்.
மற்ற நாடுகளில் உள்ள இந்திய வம்சாவளி அரசியல் தலைவர்கள் மற்றும் தலைமை நிர்வாக அதிகாரிகளையும் அவர் நினைவு கூர்ந்தார். இந்தியாவின் வளர்ந்து வரும் பிம்பம் மற்றும் பொருளாதாரம் மற்றும் அதன் இலக்கு 2047 இல் வளர்ந்த நாடாக இருக்கும் என்றார். மேலும் இந்திய அரசு இளம் தொழில் முனைவோருக்கான ஸ்டார்ட்அப் இந்தியா பணியை ஊக்குவித்து வருவதாகவும், 2022ல் ஜம்மு காஷ்மீரின் வளர்ச்சியை வலியுறுத்துவதாகவும் கூறினார். ஒரு கோடியே 64 லட்சம் சுற்றுலா பயணிகள் பள்ளத்தாக்குக்கு வருகை தந்துள்ளனர் என்றார்.
தேசம் முதன்மையானது, தேசத்தின் வளர்ச்சிக்கு நாம் பாடுபட வேண்டும் என்று கூறி தனது உரையை நிறைவு செய்தார். கோவை பிஎஸ்ஜி கலை மற்றும் அறிவியல் கல்லூரி முதல்வர் டாக்டர் டி. பிருந்தா நன்றி கூறினார்.
For English News
