May 29, 2023 
தண்டோரா குழு
கோவை மாநகராட்சி பகுதியில் முடிதிருத்த நிலையம், அழகு நிலையம், ஸ்பா மற்றும் மசாஜ் பார்லர் ஆகிய நிறுவனங்களை நடத்த காவல் துறையினரின் தடையின்மைச் சான்று மற்றும் கோவை மாநகராட்சி மாநகர நல அலுவலரின் தடையின்மைச் சான்று பெறப்பட வேண்டும் என கோவை மாநகராட்சி கமிஷனர் பிரதாப் தெரிவித்துள்ளார்.
இது குறித்து அவர் வெளியிட்ட அறிக்கையில் கூறியிருப்பதாவது:
கோவை மாநகராட்சியில் முடிதிருத்த நிலையம், அழகு நிலையம், ஸ்பா மற்றும் மசாஜ் பார்லர், நீராவி குளியல் தொட்டியுடன் கூடிய முடிதிருத்தம் தொழில் செய்யும் நிலையங்கள் மாநகராட்சியின் அனுமதியின்று கடந்த பிப்ரவரி 1ம் தேதி முதல் உரிமம் இன்றி நடத்தக்கூடாது என அறிவுறுத்தப்பட்டுள்ளது. உரிம விண்ணப்ப கடிதத்தில் காவல் துறையினரின் தடையின்மைச் சான்று மற்றும் கோவை மாநகராட்சி மாநகர நல அலுவலரின் தடையின்மைச் சான்று பெறப்பட வேண்டும்.
மேற்காணும் நிறுவனங்கள் தங்களுக்கு உரிய நிறுவனத்திற்கான உரிமத் தொகையானது சாதாரன முடிதிருத்தும் நிறுவனங்களுக்கு ஒரு வருடத்திற்கு ரூ.200, அதே நிறுவனங்களில் குளிர்சாதன வசதிகள் பொருத்தப்பட்டிருந்தால் ரூ. 1000, அழகு நிலையம், ஸ்பா, மசாஜ் பார்லர் மற்றும் நீராவி குளியல் தொட்டியுடன் கூடிய முடிதிருத்தம் போன்ற நிறுவனங்கள் 500 சதுர அடி வரை என்றால் ரூ.5 ஆயிரம், 501 முதல் 1000 சதுர ஆடி வரை ரூ.10 ஆயிரம், 1000 சதுர அடிக்கு மேற்பட்ட நிறுவனங்களுக்கு ரூ.15 ஆயிரம் வருடாந்திர உரிமத் தொகை கட்டணமாக மாநகராட்சியில் செலுத்தி அனுமதிக் கோரி விண்ணப்பிக்க வேண்டும்.
இது தொடர்பாக கோவை மாவட்ட சிறப்பு அரசிதழில் வெளியிடப்பட்டுள்ளது என்பது குறிப்பிடத்தக்கது. இவ்வாறு அதில் தெரிவிக்கப்பட்டுள்ளது.
கோவை கவுண்டம்பாளையத்தில் மகாலிங்கங்கபுரம் ஸ்மார்ட் சிட்டி பிரீமியம் வீட்டு மனை திட்டம் துவக்கம்
மதுரை வாடிக்கையாளர் நெட்வொர்க்கிங் கூட்டத்தில் இஜி & இகியூ தொடருடன் ஒருங்கிணைந்த எல்ஜி டிமாண்ட் = மேட்ச் தொழில்நுட்பத்தை எல்ஜி அறிமுகப்படுத்தி விளக்கக் காட்சியளித்தது
தியானலிங்கத்திற்கு அபிஷேகம் செய்ய ஓர் வாய்ப்பு!
23 மொழிகளில் நேரலையாகும் ஈஷா மஹாசிவராத்திரி!
யோகேஷ்வர லிங்க மஹா அபிஷேகம்!
ரஷ்யா, அரபிக், சீன மொழிகளில் ஈஷா மஹாசிவராத்திரி!
For English News
