October 25, 2017 
தண்டோரா குழு
அமெரிக்காவில் காணாமல் போன இந்திய சிறுமியின் உயிரற்ற உடல் கண்டுபிடிக்கப்பட்டது.
அமெரிக்காவில் டெக்சாஸ் மாகாணத்திலுள்ள ரிச்சர்ட்சன் நகரில் கேரளாவைச் சேர்ந்த வெஸ்லி என்பவர் தனது மனைவி மற்றும் குழந்தைகளுடன் வசித்து வருகிறார். அவர்களுக்கு 4 வயதில் மகளும், 3 வயத்தில் வளர்ப்பு மகள் ஷெரீனும் உள்ளனர்.
கடந்த 7–ந்தேதி, பால் குடிக்க மறுத்ததால், கோபம் அடைந்த அவளுடைய தந்தை வீட்டுக்கு வெளியே உள்ள சாலையில் அவளை விட்டுவிட்டு சென்றுவிட்டார். அதன் பிறகு ஷெரீனை காணவில்லை. இதுதொடர்பாக ரிச்சர்ட்சன் நகர் காவல் நிலையத்தில் வெஸ்லி புகார் செய்தார். அவருடைய புகாரை ஏற்றுக்கொண்ட அவர்கள், ஷெரினை பல இடங்களில் தேடினர்.
இதற்கிடையே, கடந்த ஞாயிற்றுக்கிழமை(அக்டோபர் 22), வெஸ்லி வீட்டிலிருந்து சிறிது தூரத்திலுள்ள பாலத்தில் ஒரு சிறுமியின் உடல் கண்டெடுக்கப்பட்டது. அது, ஷெரீனாக இருக்கலாம் என்று காவல்துறையினர் கருதினர்.
இந்நிலையில், காவல்துறை அதிகாரிகள் வெஸ்லியை மீண்டும் கைது செய்தனர். அவரிடம் காவல்துறை அதிகாரிகள் விசாரணை நடத்தினர். அந்த விசாரணையின்போது, வெஸ்லி திடுக்கிடும் வாக்குமூலம் அளித்தார்.
அதில் அவர் கூறியதாவது,“சம்பவத்தன்று, ஷெரீன் பால் குடிக்க மறுத்ததால், கோபம் அடைந்ததால், அவளுக்கு வலுக்கட்டாயமாக ஊட்டியபோது, இருமல் ஏற்பட்டு மூச்சுத்திணறி மயங்கி விழுந்தாள். அவளுடைய உடலில் நாடிதுடிப்பு இல்லை, அவள் இறந்துவிட்டாள் என்று கருதி, அவளுடைய உடலை அப்புறப்படுத்திவிட்டேன்” என்று கூறினார்.
கடந்த 2 ஆண்டுகளுக்கு முன், இந்தியாவின் கேரளா மாநிலத்திலுள்ள ஒரு அனாதை இல்லத்திலிருந்து ஷெரினை வெஸ்லி தம்பதியினர் தத்தெடுத்தனர் என்பது குறிப்பிடத்தக்கது.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
