October 28, 2026 
தண்டோரா குழு
தீபாவளிப் பண்டிகையை முன்னிட்டு, வைர நகைகள் மற்றும் பாரம்பரிய பட்டுப் புடவைகளை ஒரே இடத்தில் பார்வையிட்டுத் தேர்வு செய்யும் வகையில், கோவை ரெசிடென்சி நட்சத்திர விடுதியில் பிரேமம் ஆபரணம் மற்றும் பிரேமம் சில்க்ஸ் நிறுவனங்களின் இரண்டு நாள் கண்காட்சி மற்றும் விற்பனை இன்று தொடங்கியது.
இந்தக் கண்காட்சியில், பிரேமம் ஆபரணம் சார்பில் இயற்கை வைரங்கள் மற்றும் ஆய்வகத்தில் உருவாக்கப்பட்ட வைரங்களால் தயாரிக்கப்பட்ட மோதிரங்கள், காதணிகள், பிரேஸ்லெட்கள், நெக்லஸ்கள் உள்ளிட்ட பல்வேறு வடிவமைப்புகளிலான நகைகள் காட்சிப்படுத்தப்பட்டுள்ளன. அன்றாடம் அணிவதற்கான எளிய நகைகள் முதல் ஆடம்பரமான பிரத்யேக நகைகள் வரை, ரூ.1 லட்சம் முதல் ரூ.1 கோடி வரையிலான நகைகள் இடம்பெற்றுள்ளன.
அதேபோல், பிரேமம் சில்க்ஸ் சார்பில், பல்வேறு வண்ணங்கள், நெசவு முறைகள் மற்றும் கைவினை வேலைப்பாடுகளுடன் கூடிய 1,300-க்கும் மேற்பட்ட ரகங்களிலான பாரம்பரிய பட்டுப் புடவைகள் விற்பனைக்காகக் காட்சிப்படுத்தப்பட்டுள்ளன.தீபாவளிப் பண்டிகையை முன்னிட்டு, பிரத்யேக வடிவமைப்புகளுடன் கூடிய புடவைகள் தேர்வு செய்யப்பட்டு விற்பனைக்கு வைக்கப்பட்டுள்ளன.
கண்காட்சியின் சிறப்பம்சமாக, வாடிக்கையாளர்கள் ஷாப்பிங் செய்வதுடன் நேரடி இசைக் கச்சேரியையும் ரசிக்கும் வகையில் நிகழ்ச்சிகளுக்கு ஏற்பாடு செய்யப்பட்டுள்ளது.
இதுகுறித்து பிரேமம் ஆபரணம் நிறுவனத்தைச் சேர்ந்த ஸ்வர்ணமுகி ரகுபதி கூறுகையில்,
“ஐந்து மாதங்களுக்கு முன்பு கோவையில் அறிமுகப்படுத்தப்பட்ட பிரேமம் சில்க்ஸ் பட்டுப் புடவைகளுக்கு வாடிக்கையாளர்கள் மத்தியில் நல்ல வரவேற்பு கிடைத்துள்ளது. தற்போது பிரேமம் ஆபரணம் அறிமுகப்படுத்தப்பட்டுள்ளது. இதில், இயற்கை வைரங்கள் மற்றும் ஆய்வகத்தில் உருவாக்கப்பட்ட வைரங்களால் தயாரிக்கப்பட்ட பல்வேறு வகையான நகைகள் இடம்பெற்றுள்ளன. இந்தப் புதிய பிராண்டுக்கும் வாடிக்கையாளர்கள் நல்ல வரவேற்பு அளிப்பார்கள் என நம்புகிறோம்” என்றார்.
இந்தக் கண்காட்சி அக்டோபர் 28, 29 ஆகிய இரண்டு நாட்களும் காலை 11 மணி முதல் இரவு 8 மணி வரை நடைபெறுகிறது.
For English News
