August 9, 2016 
தண்டோரா குழு
உலக நாயகன் கமல்ஹாசனின் மூத்த மகளும், தெலுங்கு மற்றும் தமிழில் முன்னணி நடிகையாக வலம் வருபவர் பிரபல நடிகை ஸ்ருதிஹாசன். இவரது திருமணம் குறித்து சமூகவலைத்தளத்தில் வதந்திகள் பரவின. இதற்கு ஜாலியாக ஒரு டுவீட் போட்டுப் பதிலளித்துள்ளார் ஸ்ருதிஹாசன்.
மலையாள பிரேமம் படத்தின் தெலுங்கு ரீமேக்கான மஜ்னு, கமல்ஹாசனுடன் சபாஷ் நாயுடு, சூர்யாவுடன் எஸ் 3 என பிசியாக நடித்து வரும் ஸ்ருதிஹாசனின் திருமணம் பற்றி சமூக வலைத்தளதங்களில் வதந்தி பரவிவருகிறது. அதில் ஸ்ருதிஹாசனும், நடிகை அசினைப் போல் மும்பையைச் சேர்ந்த தொழிலதிபரைத் திருமணம் செய்யவிருப்பதாகவும், அடுத்த ஆண்டு ஸ்ருதியின் திருமணம் நடக்க வாய்ப்பிருப்பதாகவும் தெரிவிக்கப்பட்டுள்ளது.
இதற்குப் பதிலளிக்கும் விதமாக நடிகை சுருதிஹாசன் தனது டிவிட்டர் பக்கத்தில் சிரிப்பு ஸ்மைலிக்களை போட்டு. வேற? என நகைச்சுவையாக டுவீட் செய்துள்ளார். தந்தையைப் போலவே இவரும் எந்த வதந்தியைப் பற்றியும் கவலைப் படாதவர் நடிகை ஸ்ருதிஹாசன் என்பதை மீண்டும் ஒருமுறை நிரூபித்துள்ளார்.
For English News
