May 8, 2018 தண்டோரா குழு
ரேடியோ தொகுப்பாளராக இருந்து தமிழ் சினிமாவில் காமெடி வேடங்களில் நடித்து வருபவர் ஆர்.ஜே பாலாஜி.இவர் சென்னையில் வெள்ளம் வந்த போது களத்தில் இறங்கி மக்களுக்கு சேவை செய்தார். ஜல்லிக்கட்டு போராட்டத்தின் போதும் களத்தில் இறங்கி இளைஞர்களுடன் போராடினார். அதிலிருந்து இளைஞர்கள் மத்தியில் ஆர்.ஜே. பாலாஜிக்கு தனி இடம் இருந்தது.
இந்நிலையில்,அவர் அரசியலுக்கு வருவதை வரவேற்கும் வகையில் எழுதப்பட்ட ஒரு சுவர் விளம்பரம் புகைப்படம் சமூக வலைத்தளங்களில் வெளியாகியுள்ளது.அதில்,மே 18ம் தேதி எனக் குறிப்பிடப்பட்டு, இளைஞர்களை வழிநடத்த தமிழகத்தில் மாற்றம் காண அரசியல் களம் புகும் ஆர்.ஜே. பாலாஜி அவர்களை வருக,வருக என வரவேற்கின்றோம் என குறிப்பிடப்பட்டுள்ளது.
இதுமட்டுமின்றி,கருப்பு,பச்சை,சிவப்பு,வெள்ளை,மஞ்சள் ஆகிய நிறங்களை கொண்ட கொடியும் வடிவமைக்கப்பட்டு,கொடியின் நடுவில் பசுவின் படம் வரையப்பட்டுள்ளது.எனினும் இந்த சுவர் விளம்பரம் எங்கு வரையப்பட்டுள்ளது என்று தெரியவில்லை.