October 25, 2017 
தண்டோரா குழு
மும்பை நகரில் ரயில் விபத்தில் பலியான மகனின் நினைவாக,ஒரு தம்பதியினர் கடந்த 5 ஆண்டுகளாக மூத்த குடிமக்களுக்கு இலவச உணவை வழங்கி வருகின்றனர்.
மகாராஷ்டிரா மாநிலம் மும்பை நகரை சேர்ந்தவர்கள் பிரதீப்-தமயந்தி தம்பதியினர். கடந்த 2011ம் ஆண்டு நடந்த ரயில் விபத்தில், இவர்களுடைய மகன் நிமேஷ் பலியானார். மகனின் பிரிவால் இந்த தம்பதியினர் மிகுந்த மனவேதனைக்கு ஆளானார்கள்.
இந்நிலையில், இறந்த மகனின் நினைவாக ஏதாவது செய்யவேண்டும் என்று முடிவு செய்தனர். அதன்பிறகு, பிள்ளைகளால் கைவிடப்பட்ட மூத்த குடிமக்களுக்கு இலவசமாக உணவு வழங்கும் பணியை தொடங்கி, கடந்த ஐந்து ஆண்டுகளாக இந்த சேவையை செய்து வருகின்றனர்.
இதுகுறித்து தமயந்தி கூறுகையில், “தினமும் தங்கள் பிள்ளைகளால் கைவிடப்பட்ட முதியவர்கள்,அல்லது எங்களை போல் பிள்ளைகளை இழந்த சுமார் 11௦ முதியவர்களுக்கு இலவச மதிய உணவை வழங்கி வருகிறோம். மேலும், பழங்குடி மக்கள் வசித்து வரும் பகுதிகளிலிருக்கும் குழந்தைகளுக்கு தேவையான உடைகள், புத்தகங்கள், மற்றும் ஸ்டேசனரி பொருட்களை வழங்கி வருகிறோம்.” என்று கூறினார்.
இதுகுறித்து பிரதீப் கூறுகையில், “மகனை இழந்த நிலையில் நாங்கள் நொறுங்கி போனோம். அடுத்து என்ன செய்வதென்று என்று எங்களுக்கு தெரியவில்லை. சுமார் ஒன்றரை ஆண்டுகளுக்கு பிறகு, எனது மனைவி தான் இந்த பணியை செய்ய யோசனை கொடுத்தார்.இந்த பணியை கடந்த 5 ஆண்டுகளாக செய்து வருகிறோம்” என்று கூறினார்.
இறந்த மகனின் நினைவாக தன்னலமற்ற சேவை செய்து வரும் இந்த தம்பதியினரை, அப்பகுதி மக்கள் மனமார பாராட்டு வருகின்றனர்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
