July 10, 2017 
தண்டோரா குழு
ஜம்மு காஷ்மீரில் ராணுவ ஜீப்பில் மனிதக் கேடயமாக பயன்படுத்தப்பட்ட இளைஞருக்கு ரூ.10 லட்சத்தை இழப்பீட்டுத் தொகையாக அம்மாநில அரசு வழங்கியிருக்கிறது.
கடந்த ஏப்ரல் 9-ம் தேதி காஷ்மீர் மக்களவை தொகுதிக்குக் இடைத்தேர்தல் நடந்தது. அத்தேர்தலை எதிர்த்து 500-க்கும் மேற்பட்டோர் கலவரத்தில் ஈடுபட்டனர். அப்போது,பல இடங்களில் வாக்குச் சாவடிகள் சூறையாடப்பட்டும் வாக்குச் சாவடிகளைத் தீ வைத்தும் கொளுத்தினர்.
பாதுகாப்புப் படையினர் மீது கும்பல் கல்வீச்சில் தாக்குதலில் ஈடுபட்டதால் கலவரத்தைக் கட்டுப்படுத்த பாதுகாப்புப் படையினர் துப்பாக்கிச் சூடு நடத்தினர். இதில் 8 பேர் பலியாயினர்.
இந்நிலையில், கல்வீச்சு நடந்த போது, ராணுவ வீரர்கள் தங்களைப் பாதுகாத்துக் கொள்ள ஃபரூக் அகமத் தார் என்ற இளைஞரை பிடித்து ஜீப்பில் கட்டி வைத்து, மனிதக் கேடயமாகப் பயன்படுத்தினர்.
அந்த வீடியோ சமூக வலைத்தளங்களில் வைரலாக பரவி பெரும் சர்ச்சையை ஏற்படுத்தியது. பல்வேறு மனித நல அமைப்புகள் ராணுவத்தினரின் இந்தச் செயலுக்கு கண்டனங்கள் தெரிவித்தன.
இந்நிலையில், ஜம்மு காஷ்மீரில் ராணுவ ஜீப்பில் மனிதக் கேடயமாக பயன்படுத்தப்பட்ட இளைஞருக்கு ரூ.10 லட்சத்தை இழப்பீட்டுத் தொகையாக அம்மாநில அரசு வழங்கியிருக்கிறது.
இதற்கான ஆணையை ஜம்மு காஷ்மீர் மனித உரிமை ஆணையம் அம்மாநில அரசுக்கு இன்று (திங்கட்கிழமை) அனுப்பியுள்ளது.சம்பந்தப்பட்ட ராணுவப் பிரிவு மீது வழக்குப்பதிவு செய்யப்பட்டது என்பது குறிப்பிடத்தக்கது.
அடுத்த 3 முதல் 5ஆண்டுகளில் 100 கோடி இந்திய ரூபாயை முதலீடு செய்ய ஆம்வே இந்தியா நிறுவனம் திட்டமிட்டுள்ளது
இந்திய செஞ்சிலுவை சங்கத்தின் 90 வது ஆண்டு விழாவை முன்னிட்டு கோவையில் சமூக பணியில் ஈடுபட்டு வருபவர்களுக்கு பாராட்டு சான்றிதழ்
2026 குடியரசு தினத்தன்று, எதிர்பார்க்கப்பட்ட புதிய எஸ்யூவி ஆன டஸ்டரை மீண்டும் ரெனால்ட் குரூப் அறிமுகப்படுத்துகிறது
உலகிலேயே முதல் டூயல் சேம்பர் லீட்லெஸ் பேஸ்மேக்கர் கருவி மூலம் உயிரை காத்த இதய சிகிச்சையில் அப்போலோ மருத்துவமனை புதிய சகாப்தம்
குடும்ப உறுப்பினர் அனைவருக்கும் சிறந்த பலனளிக்கும் ‘ஷுப் பேமிலி ப்ரொடெக்ட்’ : புதிய ஆயுள் காப்பீடு டாடா ஏஐஏ அறிமுகம்
உலக தமிழர்களின் வர்த்தக மாநாடு மலேசியாவில் டிசம்பர் 22 ந் தேதி தொடங்கி 25 ந்தேதி முடிய 4 நாட்கள் நடக்கிறது
For English News
