October 3, 2017 
தண்டோரா குழு
நடிகர் ரஜினிகாந்த் அரசியலுக்கு வந்தால் எல்லா விதத்திலும் மாற்றம் வரும் என அவரது மனைவி லதா ரஜினிகாந்த் தெரிவித்துள்ளார்.
நடிகர் ரஜினிகாந்த் தனது ரசிகர்கள் சந்திப்பு நிகழ்ச்சியில் போர் வரும் போது பார்த்து கொள்ளலாம் என கூறினார். அதிலிருந்து ரஜினியின் அரசியல் குறித்த பேசப்பட்டு வருகிறது.
இந்நிலையில், சென்னையில் நடந்த குழந்தைகள் பாதுகாப்பு விழிப்புணர்வு நிகழ்ச்சியில் நடிகர் ரஜினிகாந்த் மனைவி லதா ரஜினிகாந்த் கலந்து கொண்டு பேசினார்.
அப்போது பேசிய அவர்,
அரசியல் குறித்து ரஜினி என்ன முடிவெடுத்தாலும் அதை நாங்கள் வரவேற்போம். ரஜினி அரசியலுக்கு வருவாரா என்பதை அவரே சொல்லுவார். அரசியல் குறித்து ரஜினி விரைவில் அறிவிப்பார். அவர் அரசியலுக்கு நிச்சயம் நல்லது செய்வார். பல மாற்றங்களை எதிர்பார்க்கலாம். நல்லது செய்ய 100 திட்டங்கள் ரஜினியின் மனதில் இருக்கும் என்று பேசினார்.
For English News
