July 13, 2017 
தண்டோரா குழு
மத்திய பிரதேஷ் மாநிலத்தில் வளரும் அரச மரத்தை பாதுகாக்க அம்மாநில அரசு சுமார் 12 லட்சம் ரூபாய் செலவு செய்து வருகிறது.
கடந்த 3ம் நூற்றாண்டின் போது, புத்தர் ஞானம் பெற்ற போதி மரம் அல்லது அரச மரத்தின் ஒரு கிளை இந்தியாவில் இருந்து இலங்கைக்கு எடுத்துச் சென்று, அங்குள்ள அனுராதபுரத்தில் நடப்பட்டது. ஐந்து ஆண்டுகளுக்கு முன், இலங்கை குடியரசுத் தலைவர் ராஜபாக்சே இந்திய வந்தபோது, அந்த மரத்தின் ஒரு பகுதியை மத்திய பிரதேச மாநிலத்தின் புத்த பல்கலைக்கழகம் அமைந்து உள்ள இடத்தில் அதை நட்டார்.
மத்திய பிரதேஷ் மாநில அரசு, அந்த அரச மரத்தை வளர்க்க சுமார் 12 லட்சம் ரூபாய் செலவு செய்து வருகிறது. அதை பாதுகாக்க நான்கு ஊர்காவல் படையினர் நியமிக்கப்பட்டுள்ளனர். அந்த மரத்திற்கு பிரத்தியோக தண்ணீர் தொட்டியும், ஒவ்வொரு வாரமும் மத்திய பிரதேஷ் மாநிலத்தின் விவசாய துறையின் தாவரவியல் நிபுணர்கள், அதன் வளர்ச்சியையும் சீரான நிலையையும் சரி பார்த்து வருகின்றனர்.
ஊர்காவல் படை பரமேஷ்வர் திவாரி கூறுகையில்,
“கடந்த 2௦12ம் ஆண்டு, நான் இங்கு பணியில் சேர்ந்தேன். நான்கு ஊர்காவல் படையினர் இங்கு இருக்கின்றனர். முன்னதாக, பல மக்கள் இங்கு வந்து சென்றனர். ஆனால், தற்போது, வெகு சிலரே வருகின்றனர்” என்றார்.
For English News
