July 10, 2017 
தண்டோரா குழு
ஜார்க்கண்ட் மாநிலத்தின் முதலமைச்சர் கால்களை இரண்டு பெண்கள் கழுவும் காணொளி காட்சி இணையதளத்தில் வைரலாக பரவி வருகிறது.
ஜார்க்கண்ட் மாநிலத்தில் ‘குரு பூர்ணிமா’ பண்டிகை கோலாகலமாக கொண்டாடப்பட்டது. அம்மாநிலத்தின் ஜாம்ஷெட்பூர் நகரின் பிரம்மா லோக் தம் என்னும் இடத்தில் நடைபெற்ற விழாவிற்கு அம்மாநிலத்தின் முதலமைச்சர் ரகுபர் தாஸ்(62) கலந்துக்கொண்டார்.
அப்போது இரண்டு பெண்கள் ஒரு பெரிய தட்டில் அவருடைய பாதங்களை வைத்து, தண்ணீர் ஊற்றி, ரோஜா இதழ்களை வைத்து பிராத்தனை செய்துவிட்டு, அவரை வரவேற்றுள்ளனர். இதை அங்கிருந்தோர் தங்கள் கைபேசியில் காணொளியாக எடுத்துள்ளனர். பிறகு அதை இணையதளத்தில் பதிவிட்டுள்ளனர். தற்போது அந்த காணொளி வைரலாக பரவி வருகிறது. இச்சம்பவத்திற்கு எதிர்கட்சிகள், பெண்கள் அமைப்பு உள்ளிட்ட பல அமைப்புகள் கடுமையாக விமர்சித்து வருகின்றனர்.
கடந்த 2014ம் ஆண்டு, பா.ஜ.க கட்சி மற்றும் அனைத்து மாணவர் சங்கம்(AJSU) ஜார்க்கண்ட் மாநில தேர்தலில் வெற்றி பெற்ற பிறகு, பழங்குடி அல்லாத முதல் முதலமைச்சராக பதவியேற்றார் என்பது குறிப்பிடத்தக்கது.
For English News
