March 1, 2017 
தண்டோரா குழு
‘ப்ளஸ் 2’ பொதுத் தேர்வுகள் தொடங்குவதால், பிறந்தநாள் கொண்டாட்டத்தின் போது மாணவர்களுக்கு இடையூறு விளைவிக்கும் விதத்தில் ஒலிபெருக்கியைப் பயன்படுத்த வேண்டாம் என்று திமுக செயல் தலைவர் மு.க. ஸ்டாலின் கட்சியினரைக் கேட்டுக் கொண்டுள்ளார்.
இது தொடர்பாக அவர் வெளியிட்டுள்ள அறிக்கையில் கூறியுள்ளதாவது:
“வியாழக்கிழமை (மார்ச் 2) தொடங்கும் ‘ப்ளஸ் 2’ தேர்வை எழுதும் மாணவ மாணவியருக்கு எனது மனமார்ந்த வாழ்த்துகளைத் தெரிவித்துக் கொள்கிறேன். தங்களின் அடுத்த கட்ட கல்லூரி வாழ்க்கையைத் தொடங்குவதற்கு மிக முக்கியமான இந்தத் தேர்வில் மாணவ-மாணவியர் அதிக மதிப்பெண்கள் பெற்று வெற்றி பெற வேண்டும் என்று வாழ்த்துகிறேன்.
இந்த நேரத்தில் என் பிறந்த நாளை திமுகவினர் இளைஞர் எழுச்சி நாளாக மாநிலம் முழுவதும் கடைப்பிடித்து, மக்கள் நலம் பயக்கும் உதவிகளைச் செய்து வருவது மகிழ்ச்சியும் மனநிறைவும் தருகிறது.
அவ்வாறு பிறந்த நாள் நிகழ்ச்சிகளை நடத்தும் கழக நிர்வாகிகள் ‘ப்ளஸ் 2’ தேர்வுக்கு இடையூறு விளைவிக்கும் விதத்தில் ஒலிபெருக்கி (லவுட் ஸ்பீக்கர்) போன்றவற்றைப் பயன்படுத்தி மாணவர்கள் படிப்பதற்குத் தொந்தரவு செய்ய வேண்டாம். தங்களின் எதிர்காலத்திற்கான மிக முக்கியமான தேர்வை மாணவர்கள் எழுதும் இந்த நேரத்தில் ஆடம்பரம், ஆரவாரம் இன்றி மிகவும் அமைதியான முறையில் பிறந்த நாள் நிகழ்ச்சிகளில் ஈடுபட்டு, மாணவர்கள் வெற்றிகரமாக தேர்வு எழுத வழிவிடுமாறு கழக நிர்வாகிகளை அன்புடன் கேட்டுக் கொள்கிறேன்”.
இவ்வாறு மு.க. ஸ்டாலின் குறிப்பிட்டுள்ளார்.
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
கீரைக்கடை.காம் நிறுவனத்தின் புதிய தயாரிப்பான ‘ஹெர்பல் டீ ட்விஸ்ட்’ அறிமுகம்
For English News
