January 7, 2017 
தண்டோரா குழு
பத்து ரூபாய் நாணயங்களில் உள்ள மாற்றங்களை வைத்து, செல்லாது என்று தவறாகப் புரிந்து கொள்ளப்படுகிறது. மக்கள் குழப்பமடைய வேண்டாம் என இந்திய ரிசர்வ் வங்கி வெள்ளிக்கிழமை கேட்டுக் கொண்டுள்ளது.
பழைய ரூ 500,1000 செல்லாது என நவம்பர் 8 ம் தேதி மத்திய அரசு அறிவித்தது. அதன் பின் 10 ரூபாய் நாணயங்கள் செல்லாது என தவறான தகவல்கள் பரவி வருகின்றன. இதை உண்மை என நம்பி, வியாபாரிகளும் 10 ரூபாய் நாணயங்களை வாங்க மறுப்பதாகப் பொதுமக்கள் தெரிவிக்கின்றனர். இதனால் குழப்பம் ஏற்பட்டுள்ளது.
இதனிடையே பத்து ருபாய் நாணயம் செல்லும். மக்கள் குழப்பமடைய வேண்டாம் என இந்திய ரிசர்வ் வங்கி தெரிவித்துள்ளது.
இது குறித்து, இந்திய ரிசர்வ் வங்கி வெளியிட்டுள்ள செய்திக் குறிப்பில் கூறியதாவது:
பத்து ரூபாய் நாணயம் 2009ல் அறிமுகம் ஆனது. அவ்வப்போது, சில மாற்றங்களுடன், அதிகாரபூர்வமாக வெளியிடப்படுகிறது. நாணயங்களில் உள்ள மாற்றங்களை வைத்து, செல்லாது என்று தவறாக புரிந்து கொள்ளப்படுகிறது. இதுவரை, போலி நாணயங்கள் எதையும் கண்டறியவில்லை.
இந்த நாணயங்கள், இரு உலோகத்தால், வட்ட வடிவில் உருவாக்கப்பட்டவை. 27 மி.மீ., விட்டம், 7.71 கிராம் எடை உடையவை. 10 ரூபாய் நாணயங்கள் செல்லாது என இந்திய ரிசர்வ் வங்கி அறிவிக்கவில்லை. அவை அனைத்தும் செல்லும். பொதுமக்கள் குழப்பமடைய வேண்டாம்.
இவ்வாறு இந்திய ரிசர்வ் வங்கி கூறியுள்ளது.
நேஷனல் மாடல் மெட்ரிக் பள்ளியின் 39 வது ஆண்டு விழா
கோவையில் நடைபெற்ற சுற்றுலா துறை சார்ந்த வணிக நிறுவனங்கள் சந்திப்பு நிகழ்ச்சி 9 மாநில பிரதிநிதிகள் பங்கேற்பு
ஈஷா எரிவாயு மயான வழக்கு; விதிமீறல் இல்லை, சமூகத்திற்குப் பயன்படும், பொதுநலனுக்கு எதிரானது அல்ல – சென்னை உயர்நீதிமன்றம்
கேரளாவில் சாம்பியன் ஆன காரமடை கராத்தே வீரர்கள்
ஜமாஅத்தே இஸ்லாமி ஹிந்த் சார்பில் நடைபெற்ற நிகழ்வில் கோவையில் ‘சமூக நல்லிணக்கப் பேரவை’ உருவாக்கப்பட வேண்டும் என்ற கோரிக்கை
தமிழ்நாட்டில் தான் நாட்டிலேயே அதிக தொகை கறிக்கோழி வளர்ப்பாளர்களுக்கு வழங்கப்படுகிறது – பிராய்லர் கோழி உற்பத்தியாளர் கூட்டமைப்பு
For English News
