September 14, 2021 
தண்டோரா குழு
தமிழகத்தில் 121 நகராட்சிகள் இருந்த நிலையில் கடந்த மாதம் நடைபெற்ற சட்டப்பேரவையில் நகர்புற வளர்ச்சி துறை அமைச்சர் கே.என்.நேரு புதியதாக 29 பேரூராட்சிகளை நகராட்சிகளாக அறிவித்தார்.இதன் காரணமாக 121 நகராட்சிகளாக இருந்தது 150 ஆக உயர்ந்தது.
புதியதாக அறிவிக்கப்பட்ட நகராட்சியில் கோவை மாவட்டத்தில் கூடலூர், காரமடை, கருமத்தம்பட்டி,மதுக்கரை ஆகிய 4 நகராட்சிகள் அடங்கும்.இந்நிலையில் கோவை மாவட்ட ஆட்சியர் அலுவலக கூட்டரங்கில் பேரூராட்சிகளை நகராட்சிகளாக தரம் உயர செய்தல் தொடர்பான முதலாவது கருத்து கேட்பு கூட்டம் நடைப்பெற்றது.இதில் 4 நகராட்சியை சேர்ந்த முன்னால் கவுன்சிலர்கள், அரசியல் கட்சியினர், கிராம ஊராட்சி அலுவலர்கள் ஆகியோர் கலந்து கொண்டனர்.
கோவை மாவட்ட ஆட்சித்தலைவர் சமீரன், நாடாளுமன்ற உறுப்பினர் பி.ஆர்.நடராஜன் முன்னிலையில் நடைபெற்ற இந்த கருத்துக்கேட்பு கூட்டத்தில் முன்னால் கவுன்சிலர்கள், அரசியல் கட்சியினர் மேலும் கிராம ஊராட்சி அலுவலர்கள் அவர்களது கருத்துக்களை பரிமாறினர்.
For English News
