June 21, 2018 
தண்டோரா குழு
துப்பாக்கி, கத்தி படத்தின் வெற்றியை தொடர்ந்து விஜய் – ஏ.ஆர்.முருகதாஸ் கூட்டணியில் உருவாகி வரும் படம் சர்கார். சன் பிக்சர்ஸ் நிறுவனம் தயாரித்து வரும் இப்படத்தின் பர்ஸ்ட் லுக் இன்று வெளியானது.
விஜய் ரசிகர்கள் மட்டுமின்றி சினிமா பிரபலங்கள் பலரும் பர்ஸ்ட் லுக்கை பார்த்து கொண்டாடி வருகின்றனர். இதற்கிடையில் பா.ம.க. இளைஞரணி தலைவர் அன்புமணி ராமதாஸ் வேண்டுகோளை ஏற்று நான் நடிக்கும் படங்களில் புகை பிடிப்பது போன்ற காட்சிகள் இருக்காது என்று,முன்பு விஜய் தெரிவித்திருந்தார். ஆனால், தற்போதுவெளியாகி இருக்கும் சர்கார் படத்தின் பர்ஸ்ட் லுக்கில் விஜய் சிகரெட் பிடிப்பது போன்ற காட்சி இருக்கிறது.
இந்நிலையில், சர்கார் படத்தின் பர்ஸ்ட் லுக் குறித்து பாமக இளைஞரணி தலைவர் அன்புமணி ராமதாஸ் டுவீட் செய்துள்ளார். அதில்,தனது புதிய படத்தின் ஃபர்ஸ்ட் லுக் போஸ்டரில் புகைப்பிடிக்கும் காட்சிகளை விளம்பரப்படுத்துவதற்கு நடிகர் விஜய் வெட்கப்பட வேண்டும். சிகரெட் இல்லாமல் இருந்தால் கூட நீங்கள் இன்னும் ஸ்டைலாக இருப்பீர்கள்எனக் கூறியுள்ளார்.
For English News
