July 12, 2017 
தண்டோரா குழு
பிரபல நடிகை கடத்தல் வழக்கில் நடிகர் திலிப்பை 2 நாட்கள் காவலில் எடுத்து விசாரிக்க காவல்துறைக்கு நீதிமன்றம் அனுமதி அளித்துள்ளது.
கேரள முன்னணி நடிகையை கடத்தி, அவருக்கு பாலியல் தொந்தரவு அளித்த வழக்கில், மலையாள நடிகர் திலீப், நேற்று முன்தினம் கைது செய்யப்பட்டார். பின், ஆலுவா கிளைச்சிறையில், அடைக்கப்பட்டார். இந்நிலையில், திலீப்பின் ஜாமின் மனு, இன்று(ஜூலை 12) விசாரணைக்கு வருகிறது.
இதனைத் தொடர்ந்து நடிகர் திலீப்பை அங்கமாலி நீதிமன்றத்தில் கேரள போலீசார் ஆஜர்படுத்தினர்.
நடிகர் திலீப்பை போலீஸார் காவலில் எடுத்து விசாரிக்க திட்டமிட்டனர். இதையடுத்து, நடிகை கடத்தல் வழக்கில் நடிகர் திலிப்பை 2 நாட்கள் காவலில் எடுத்து விசாரிக்க காவல்துறைக்கு நீதிமன்றம் அனுமதி அளித்துள்ளது.
வழக்கு விசாரணை ஆரம்ப நிலையில் இருப்பதால் நடிகர் திலீப்புக்கு ஜாமீன் மறுத்தது அங்கமாலி நீதிமன்றம்.
For English News
