January 30, 2026 
தண்டோரா குழு
இந்தியா – சிங்கப்பூர் ஏர்லைன்ஸின் குறைந்த கட்டண துணை நிறுவனமான ஸ்கூட், தனது சமீபத்திய பயணப் போக்கு ஆய்வறிக்கையான “தென்னிந்திய பயண நுண்ணறிவு 2025”-ன் முக்கிய முடிவுகளை அறிவித்தது.
இந்த ஆய்வின் மூலம், தென்னிந்தியாவைச் சேர்ந்த சுற்றுலாப் பயணிகள் தங்களது பயணத் திட்டமிடல் மற்றும் அனுபவங்களில் ஒரு புதிய மாற்றத்தைக் கொண்டு வருவது தெரியவந்துள்ளது. ஸ்கூட் நிறுவனத்திற்காக யூகோவ் நடத்திய இந்த ஆய்வில் சென்னை, பெங்களூரு, ஐதராபாத், திருவனந்தபுரம் மற்றும் விசாகப்பட்டினம் ஆகிய ஐந்து முக்கிய நகரங்களைச் சேர்ந்த சுமார் 1,600 பேர் பங்கேற்றனர்.
தென்னிந்தியப் பயணிகள் தனித்துவமான மற்றும் தங்களுக்குப் பிடித்தமான பயண அனுபவங்களை அதிகளவில் விரும்புவதாக ஸ்கூட் நிறுவனத்தின் ஆய்வு முடிவுகள் தெரிவிக்கின்றன. இந்த ஆய்வின்படி, பாதிக்கும் மேற்பட்ட பயணிகள் (56%) தற்போது அதிகம் அறியப்படாத இடங்களுக்குச் செல்ல ஆர்வம் காட்டுகின்றனர். மேலும், வியக்கத்தக்க வகையில் 89% பயணிகள் அடுத்த ஓராண்டுக்குள் இத்தகைய இடங்களுக்குப் பயணம் செய்யத் திட்டமிட்டுள்ளனர்.
பயணிகளின் மனப்போக்கில் ஏற்பட்டுள்ள இந்த மாற்றத்தை இத்தரவுகள் பிரதிபலிக்கின்றன.குறிப்பாக, கடந்த மூன்று ஆண்டுகளில் வழக்கத்திற்கு மாறான இடங்களுக்குச் செல்லும் ஆர்வம் தங்களுக்கு அதிகரித்துள்ளதாக 45% பயணிகள் தெரிவித்துள்ளனர்.இந்த விருப்பங்களுக்கான காரணங்கள் குறித்துக் கேட்கப்பட்டபோது, சிக்கனமான செலவு (46%), கூட்ட நெரிசல் இல்லாத இடங்கள் (43%), எளிதான விசா நடைமுறைகள் (38%), மலிவான விமானக் கட்டணங்கள் (38%) மற்றும் விமானங்களின் இருப்பு (37%) ஆகியவற்றை முக்கியக் காரணிகளாகப் பதிலளித்தவர்கள் குறிப்பிட்டுள்ளனர்.
தென்னிந்தியப் பயணிகளிடையே கிராபி (தாய்லாந்து), டார்வின் (ஆஸ்திரேலியா) மற்றும் சியாங் ராய் (தாய்லாந்து) போன்ற இடங்கள் வழக்கத்திற்கு மாறான புதிய விருப்பமான இடங்களாக உருவெடுத்து வருகின்றன. சுதந்திரமாக பயணம் மேற்கொள்ளும் ஆர்வம் மக்களிடையே அதிகரித்து வருகிறது. அதற்கேற்ப, நான்கில் மூன்று பங்கு (74%) பயணிகள் 2026-ஆம் ஆண்டில் தனியாக ஒரு சர்வதேசப் பயணத்தை மேற்கொள்ளத் திட்டமிட்டுள்ளனர்.
இவ்வாறு தனியாகப் பயணிக்க விரும்புவோரின் இலக்குகள் சமமாகப் பிரிந்துள்ளன; இதில் 51% பேர் அதிகம் அறியப்படாத இடங்களுக்குச் செல்ல விரும்புகின்றனர், மீதமுள்ள 49% பேர் தங்களுக்கு ஏற்கனவே பரிச்சயமான பிரபலமான இடங்களுக்குச் செல்ல விரும்புகின்றனர். சுற்றுலாப் பயணங்கள் (26%), சாகசப் பயணங்கள் (23%), மற்றும் உற்றார் உறவினர்களைச் சந்திப்பது (19%) ஆகியவையே எதிர்வரும் பயணங்களுக்கான முதன்மைக் காரணங்களாகத் தொடர்கின்றன.
அத்துடன், நான்கில் மூன்று பங்கு பதிலளித்தவர்கள் தனியாகப் பயணம் செய்யத் திட்டமிட்டிருப்பதைக் கருத்தில் கொள்ளும்போது, இது சுதந்திரமான மற்றும் தன்னிச்சையான பயண அனுபவங்களின் மீதான ஆர்வம் அதிகரித்து வருவதைக் காட்டுகிறது.ஆஸ்திரேலியா, இந்தோனேசியா, மலேசியா, சிங்கப்பூர் மற்றும் தாய்லாந்து ஆகிய ஐந்து நாடுகளில் 5,000-க்கும் மேற்பட்டோரிடம் நடத்தப்பட்ட ஆய்வின் அடிப்படையில், ஜூலை 2025-இல் ஸ்கூட் வெளியிட்ட ஆய்வறிக்கையின் முடிவுகளையே இதுவும் எதிரொலிக்கிறது. குறிப்பாக 25 முதல் 34 வயதுக்குட்பட்டவர்களிடையே தனிப்பயணம் மேற்கொள்ளும் போக்கு அதிகரித்து வருவதை அந்த ஆய்வறிக்கை விளக்குகிறது.
இந்தியாவில் முதன் முறையாக கோவை கிகானி குளோபல் அகாடமியில் ‘மெட்டாஇன்னோவா’ LMS தளம் அறிமுகம்!
தென்னிந்திய சுற்றுலாப் பயணிகளின் மாறிவரும் பயண பழக்கங்களின் ஆய்வு முடிவுகள் ஸ்கூட் நிறுவனம் வெளியீடு
பிரிகோல் நிறுவனம், 9எம்-நிதியாண்டு 26 காலகட்டத்திற்கான ஒருங்கிணைந்த வரிக்குப் பிந்தைய லாபமாக ரூபாய்177.57 கோடிகளைப் பதிவு செய்துள்ளது
நேஷனல் மாடல் மெட்ரிக் பள்ளியின் 39 வது ஆண்டு விழா
கோவையில் நடைபெற்ற சுற்றுலா துறை சார்ந்த வணிக நிறுவனங்கள் சந்திப்பு நிகழ்ச்சி 9 மாநில பிரதிநிதிகள் பங்கேற்பு
ஈஷா எரிவாயு மயான வழக்கு; விதிமீறல் இல்லை, சமூகத்திற்குப் பயன்படும், பொதுநலனுக்கு எதிரானது அல்ல – சென்னை உயர்நீதிமன்றம்
For English News
