September 30, 2026 
தண்டோரா குழு
கோவை மேட்டுப்பாளையம் சாலை, துடியலூரில் இதய நோய்களுக்கான பிரத்யேக சிகிச்சை மையமாக அவேரா இதய மருத்துவமனை வரும் அக்டோபர் 4-ம் தேதி திறக்கப்பட உள்ளது.
“இதயத்திற்காக… இதயத்தில் இருந்து” என்ற தத்துவத்துடன் உருவாக்கப்பட்டுள்ள இம்மருத்துவமனையில், இதய நோய்களுக்கான முழுமையான சிகிச்சை ஒரே கூரையின் கீழ் வழங்கப்பட உள்ளதாக மருத்துவமனை நிர்வாகத்தினர் தெரிவித்தனர்.
100 படுக்கைகள் கொண்ட இம்மருத்துவமனையில்,2 Philips Azurion 7 Series Cath Labs, 2 Getinge Modular Operation Theatres, 18 படுக்கைகள் கொண்ட இதய தீவிர சிகிச்சைப் பிரிவு, 16 படுக்கைகள் கொண்ட இதய-மார்பு அறுவை சிகிச்சைக்குப் பிந்தைய பிரிவு உள்ளிட்ட நவீன வசதிகள் இடம்பெற்றுள்ளன.
மேலும்,செயற்கை நுண்ணறிவு ஒருங்கிணைந்த படமெடுக்கும் தொழில்நுட்பத்துடன் கூடிய Philips Incisive Cardiac CT உள்ளிட்ட மேம்பட்ட மருத்துவத் தொழில்நுட்பங்களும் பயன்படுத்தப்பட உள்ளன.இதயவியல், இதய-மார்பு அறுவை சிகிச்சை, மயக்கவியல், தீவிர சிகிச்சை, அவசர சிகிச்சை, கதிரியக்கவியல், நுரையீரல் மருத்துவம் உள்ளிட்ட முக்கிய துறைகளுடன், சிறுநீரகவியல், நரம்பியல், நாளமில்லா சுரப்பியல், பொது மருத்துவம், தோல் மருத்துவம் உள்ளிட்ட கூடுதல் சிறப்பு மருத்துவ சேவைகளும் வழங்கப்பட உள்ளதாக தெரிவிக்கப்பட்டுள்ளது.
24 மணி நேரமும், வாரத்தின் 7 நாட்களும் மருத்துவ மற்றும் ஆம்புலன்ஸ் சேவைகள் வழங்கப்பட உள்ளதுடன், மேம்பட்ட இதய-மார்பு அறுவை சிகிச்சை வசதிகளும் இடம்பெறும் என மருத்துவர்கள் தெரிவித்தனர்.அவேரா மருத்துவமனையின் தலைமை மருத்துவர் டாக்டர் ராஜ்பால் அபைசிந்த் மற்றும் டாக்டர் சந்திரசேகர் ஆகியோர் செய்தியாளர்களிடம் இதுகுறித்த தகவல்களை தெரிவித்தனர்.
அக்டோபர் 4-ம் தேதி நடைபெறும் திறப்பு விழாவில் பண்ணாரி அம்மன் குழுமத்தின் தலைவர் எஸ்.பி. பாலசுப்ரமணியம் தலைமை விருந்தினராக கலந்து கொண்டு மருத்துவமனையை ரிப்பன் வெட்டி திறந்து வைக்க உள்ளதாக தெரிவிக்கப்பட்டுள்ளது.
For English News
