March 22, 2017 
தண்டோரா குழு
மரணத்தை நெருங்கிகொண்டிருக்கும் 7 வயது சிறுவன், தன் மரணத்திற்கு பிறகு தன்னுடைய தாயின் சவப்பெட்டியில் தன்னை அடக்கம் செய்யவேண்டுமென்று கோரிக்கை விடுத்துள்ளான்.
இந்த கோரிக்கை சமூக வலை தளங்கள் மூலம், உலகை உலுக்கும் வேண்டுகோளாக மாறியுள்ளது.
போலாந்து நாட்டைச் சேர்ந்த பியோட் குவாஸ்நீ அக்நீஸ்கா தம்பதியினருக்கு மகனாக பிறந்தவன் பிலிப். அவனுடைய தாயார் புற்றுநோய் பாதிப்பிற்கு ஆளாகி உயிரிழந்தார்.
7 வயது சிறுவனான பிலிப், லண்டனின் கோல்செச்ட்டர் நகரிலுள்ள பிரைர் கிருவ் ஆரம்ப பள்ளியில் கல்வி கற்று வந்தான். 2௦16-ம் ஆண்டு அவனும் புற்றுநோய் பாதிப்பிற்கு ஆளாகி லண்டன் கிரேட் ஒர்மொந்த் ஸ்ட்ரீட் குழந்தைகள் மருத்துவமனையில் சிகிச்சை பெற்று வருகிறான்.
மரணத்தை நெருங்கிக்கொண்டிருக்கும் அவன் தன்னுடைய மரணத்திற்கு பிறகு தன்னுடைய தாயின் சவப்பெட்டியில் தன்னை அடக்கம் செய்யவேண்டுமென்று தன்னுடைய கடைசி ஆசையை தெரிவித்தான்.
பிலிப்புக்கு தரப்பட்ட கீமோதெரபி, ஸ்டெம் செல் சிகிச்சை தோல்வியில் முடிந்தது. புற்றுநோய் அவன் குடை வரை பரவியிருப்பதாகவும், அவன் இன்னும் எத்தனை நாட்கள் உயிருடன் இருப்பான் என்று சொல்ல முடியாது என்று மருத்துவர்கள் தெரிவித்துள்ளனர்.
பிலிப்பின் தந்தை கூறுகையில், “அவன் குழந்தையாய் இருக்கும்போதே அவனுடைய தாய் இறந்துவிட்டாள். அதனால் அவளை எப்படி ஞாபகம் வைத்திருப்பான் என்று எனக்கு தெரியவில்லை. ஆனால் அவன் நன்றாக பேசிக்கொண்டிருந்த வயதில் அவளுடைய கல்லறைக்கு சென்று பார்த்துள்ளான்.
அவனுடைய தாயின் உடலை வெளியே எடுத்து, அவர்கள் இவருடைய உடலையும் ஒன்றாக புதைக்க ஏற்பாடுகள் செய்யவேண்டும்” என்று வேதனையோடு கூறினார்.
பிலிப்பின் கடைசி ஆசையை நிறைவேற்ற மக்கள் ஆதரவு அளித்து வருகின்றனர். அதன்படி. மக்கள் உதவிய தொகை தற்போது வரை 37,௦௦௦ பவுண்ட் சேர்ந்துள்ளது.
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
கீரைக்கடை.காம் நிறுவனத்தின் புதிய தயாரிப்பான ‘ஹெர்பல் டீ ட்விஸ்ட்’ அறிமுகம்
For English News
