June 11, 2021 
தண்டோரா குழு
சமூக நலம் மற்றும் மகளிர் உரிமைத்துறையின் மூலம் இரண்டு பெண் குழந்தைகள் பாதுகாப்புத் திட்டத்தின் கீழ் விண்ணப்பித்து வைப்பு நிதி பத்திரம் பெற்று 18 வயது முதிர்வு அடைந்துள்ள பயனாளிகள் முதிர்வுத் தொகை பெற விண்ணப்பிக்கலாம் என மாவட்ட ஆட்சியர் நாகராஜன் தெரிவித்துள்ளார்.
இது குறித்து கோவை மாவட்ட கலெக்டர் வெளியிட்ட அறிக்கையில்,
சமூக நலன் மற்றும் மகளிர் உரிமை துறையின் கீழ் தமிழக முதல்வரின் இரண்டு பெண் குழந்தைகள் பாதுகாப்புத் திட்டம் செயல்படுத்தப்பட்டு வருகிறது.அதன்படி ஒரு பெண் குழந்தை மட்டும் இருந்தால் ரூ. 50 ஆயிரமும் இரண்டு பெண் குழந்தைகள் இருந்தால் தலா 25 ஆயிரமும் 18 வயது முடிவடைந்த பிறகு முதிர்வுத் தொகை மற்றும் வட்டி தொகையுடன் சேர்ந்து பயனாளிகளுக்கு வழங்கப்பட்டு வருகின்றது.
இத்திட்டத்தில் பயன்பெற இரண்டாவது பெண் குழந்தை பிறந்து மூன்று வருடங்களுக்குள் முதலமைச்சரின் இரண்டு பெண் குழந்தைகள் பாதுகாப்புத் திட்டத்தில் விண்ணப்பிக்க வேண்டும். குழந்தைகளின் தாயார் குடும்பநல அறுவை சிகிச்சையை செய்திருக்கவேண்டும்.
வருமானச்சான்று ரூ.72 ஆயிரம் பெற்று, ஆண் வாரிசு இல்லை என்ற சான்றுடன் சமர்ப்பிக்க வேண்டும்.18 வயது முடிவடைந்த உடன் வைப்புத் தொகை மற்றும் வட்டி தொகையுடன் சேர்ந்து உதவித் தொகையாக வழங்கப்படும்.அதன்படி விண்ணப்பம் செய்து அசல் வைப்புநிதி பத்திரம் பெற்றுள்ள பயனாளிகளில் பதினெட்டு வயது முதிர்ந்தவர்கள் உரிய ஆவணங்களுடன் கோவை மாவட்டத்தில் உள்ள சம்பந்தப்பட்ட ஊராட்சி ஒன்றியங்கள் நகராட்சி அலுவலகங்கள் மற்றும் மாநகராட்சி மண்டல அலுவலகங்களில் உள்ள சமூகநல அலுவலர் மகளிர் ஊர் நல அலுவலரிடம் அசல் வைப்பு நிதி பத்திரம் பயனாளியின் கடவுச்சீட்டு அளவு புகைப்படம் பத்தாம் வகுப்பு தேர்ச்சி பெற்றதற்கான மதிப்பெண் பட்டியல் மற்றும் பயனாளிகளின் பெயரில் தனி வங்கிக் கணக்கு புத்தகம் நகர் ஆகிய சான்றுகளுடன் சமர்ப்பித்து பயன்பெற வேண்டும்.
இவ்வாறு அதில் தெரிவிக்கப்பட்டுள்ளது.
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
குமரகுரு கல்லூரி மாணவர்களால் உருவாக்கப்பட்ட எரிசக்தி படகு, சர்வதேச போட்டியில் மூன்றாவது முறையாக பங்கேற்கிறது!
மாற்றுத்திறனாளி இளைஞர்களும் ஆன்லைன் உணவு டெலிவரி செய்யும் வகையில் புதிய எலக்ட்ரிக் சைக்கிள் !
கோயமுத்தூர் இன்னர் வீல் கிளப் சார்பாக அரசு தொடக்கப்பள்ளிக்கு புதிய வகுப்பறைகள் அர்ப்பணிப்பு
For English News
