May 5, 2017 
தண்டோரா குழு
மக்கள் டாஸ்மாக் கடையை திறக்க வேண்டாம் எனப் போராடுவது பெருங்குற்றமா? என்று சென்னை உயர்நீதிமன்றம் கேள்வி எழுப்பியுள்ளது.
நெடுஞ்சாலை அருகே 500 மீட்டருக்குள் இருக்கும் டாஸ்மாக் கடைகளை அகற்ற உச்சநீதிமன்றம் உத்தரவிட்டது. அதன்படி டாஸ்மாக் கடைகள் அகற்றப்பட்டது. அகற்றப்பட்ட டாஸ்மாக் கடைகளை மீண்டும் வேறு இடங்களில் திறக்க தமிழக அரசு முயன்றது.
இதனால் ஊருக்குள் திறக்கும் டாஸ்மாக் கடைகளுக்கு எதிராக மக்கள் போராட்டத்தில் ஈடுபட்டனர். இந்நிலையில் திருமுல்லைவாயில் பகுதியில் டாஸ்மாக் கடைகளுக்கு எதிராக போராடிய 21 பேரை காவல்துறையினர் கைது செய்தனர்.
இந்த வழக்கின் விசாரணைக்கு இன்று நடைபெற்றது. அப்போது நீதிபதி கிருபாகரன் கூறுகையில், ”மது நாட்டுக்கும் வீட்டுக்கும் உயிருக்கும் கேடு என்பதை நடைமுறையிலும் செயல்படுத்த தமிழக அரசு நடவடிக்கை எடுக்க வேண்டும். கோயில், பள்ளி அருகே மதுக்கடை திறப்பு தொடர்பாக விரிவான அறிக்கை அளிக்கப்பட வேண்டும்.
யார் ஆட்சிக்கு வந்தாலும் டாஸ்மாக் கடைகளை அமைப்பதிலேயே குறிக்கோளாக இருக்கிறார்கள். டாஸ்மாக் கடையை திறக்க வேண்டாம் எனப் போராடுவது பெருங்குற்றமா? ” என்றார்.
அதே சமயம் கைது செய்யப்பட்டவர்களின் மீதான முதல் தகவல் அறிக்கை ரத்து செய்யப்பட்டது. மேலும் மாற்றி அமைக்கப்பட்ட மதுக்கடைகள் எத்தனை என்பதைக் குறித்து 4 வாரத்தில் அறிக்கை தாக்கல் செய்ய வேண்டும் என்றும் நீதிபதி உத்தரவிட்டுள்ளார்.
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
கீரைக்கடை.காம் நிறுவனத்தின் புதிய தயாரிப்பான ‘ஹெர்பல் டீ ட்விஸ்ட்’ அறிமுகம்
For English News
