January 18, 2019 
தண்டோரா குழு
சமூக வலைதளங்களில் ’10 இயர் சேலஞ்ச்’ என்ற ஹேஸ்டேக்கை நெட்டிசன்கள் டிரெண்ட் ஆக்கியுள்ளனர்.
சமூக வலைத்தளங்களில் அவ்வப்போது சேலஞ்ச் என்ற பெயரில் பிரபலங்கள், திரை நட்சத்திரங்கள் கலந்துக் கொண்டு ரசிகர்களுடன் பகிர்ந்து வருவார்கள். அந்தவகையில் சமீபத்தில் ஐஸ் பக்கெட் சேலஞ்ச், தோசை சேலஞ்ச், கிகி சேலஞ்ச், நில்லு நில்லு சேலஞ்ச் என்று சமூக வலைத்தளத்தில் பிரபலமானது.
இந்நிலையில் சமூக வலைதளங்களில் 10 இயர் சேலஞ்ச் (#10yearchallenge) என்ற ஹேஸ்டேக் பிரபலமாகி வருகிறது. அதன்படி 2009ம் ஆண்டு எடுக்கப்பட்ட புகைப்படத்தையும், தற்போது எடுக்கப்பட்ட புகைப்படத்தையும் இணைத்து பலரும் சமூக வலைதளங்களில் பதிவிட்டு வருகின்றனர். மேலும் தங்கள் நண்பர்களையும் டேக் செய்து அவர்களையும் சேலஞ்சில் பங்கேற்க அழைப்பு விடுத்து வருகின்றனர்.
இந்த 10 இயர் சேலஞ்ச் சாதாரண மக்கள் மட்டுமன்றி சினிமா நட்சத்திரங்கள், விளையாட்டு பிரபலங்கள் உள்ளிட்ட பலரும் தங்களின் 10 வருடத்திற்கு முந்தைய போட்டோவுடன் தற்போதைய போட்டோவை சேர்த்து பதிவிட்டு வருகின்றனர். அதைபோல் இதுதொடர்பாக உருவாக்கப்பட்ட மீம்ஸ்களும் அதிகம் ரசிக்கப்பட்டு வருகிறது.
உலகெங்கிலும் பலரும் இந்த ஹேஸ்டேக்கில் தங்களின் புகைப்படங்களை பகிர்ந்து வருகின்றனர். தற்போது சமூக வலைதளங்களில் 10 இயர் சேலஞ்ச் (#10yearchallenge) வைரலாகி உள்ளது.
For English News
