July 15, 2017 
தண்டோரா குழு
சசிகலா தொடர்பான வீடியோ பதிவை சிறைத்துறை அதிகாரிகள் சிலரே அளித்துவிட்டதாக டிஐஜி ரூபா மீண்டும் பரபரப்பு புகார் தெரிவித்துள்ளார்.
சொத்து குவிப்பு வழக்கில் தண்டனை பெற்று பெங்களூரு பரப்பன அக்ரஹார சிறையில் அடைக்கப்பட்டுள்ள சசிகலாவின் அறையில் தனியாக சமையல் கூடம் அமைத்துக் கொள்ள விதிகளை மீறி அனுமதி அளிக்கப்பட்டதாக,சிறைத்துறை டிஐஜி ரூபா கூறிய புகார் பெரும் பரபரப்பை ஏற்படுத்தியது.
இதற்காக சிறைத்துறை இயக்குனராக இருக்க கூடிய சத்தியநாராயண ராவ் மற்றும் சில அதிகாரிகள் சசிகலாவிடம் இருந்து 2 கோடி ரூபாய் அளவுக்கு லஞ்சம் பெற்றுள்ளதாகவும் ரூபா குற்றம்சாட்டியிருந்தார். இது பெரும் சர்ச்சையை கிளப்பியது.
ஆனால், இதனை முற்றிலும் மறுத்த டிஜிபி சத்யநாராயண ராவ்,ரூபா சிறைக்குச் செல்லாமலே இதுபோல அவதூறு கிளப்பி உள்ளதாகவும், முடிந்தால் வீடியோவை வெளியிட முடியுமா எனவும் சவால் விடுத்தார்.
இந்நிலையில்,கர்நாடக தலைமைச் செயலாளருக்கு டிஐஜி ரூபா புகார் ஒன்றை அனுப்பியுள்ளார்.
அதில், தான் சிறைக்குள் சென்று பார்த்தபோது,எடுத்த வீடியோ யாராலோ அழிக்கப்பட்டுவிட்டது.
“சசிகலா விசேஷ சிகிச்சை பெறுவது, மற்றும் அவருக்கு அளிக்கப்பட்ட சலுகைகள் குறித்து நான் வீடியோவில் பதிந்திருந்தேன். நான் என்னுடன் எடுத்துச் சென்றிருந்த ஹேண்டி காம் மூலம் நானே வீடியோ எடுத்தேன். அலுவலகம் வந்ததும் எனது அதிகாரிகளில் ஒருவரிடம் அந்தப் பதிவை பென் டிரைவில் பதியச் சொல்லி கொடுத்தேன்.
ஆனால் என்னிடம் ஹேண்டிகாம் மட்டுமே திருப்பித் தரப்பட்டுள்ளது.அதில் இருந்த வீடியோ காணவில்லை” மேலும்,பெங்களூர் பரப்பன அக்ரஹார சிறையில் நடைபெறும் விதிமீறல் தொடர்பான ஆதாரங்கள் அழிக்கப்படுவதாகவும், பெண்கள் சிறையில் சி.சி.டி.வி கேமராக்கள் 7 மற்றும் 8ல் பதிவான காட்சிகள் அழிக்கப்பட்டுள்ளதாகவும் டிஐஜி ரூபா தெரிவித்துள்ளார்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
