March 27, 2026 
தண்டோரா குழு
கோவை பிஎஸ்ஜிஆர் கிருஷ்ணம்மாள் மகளிர் கல்லூரியில் மின்சார வாகன பயிற்சி மற்றும் ஆராய்ச்சிக்கான ‘GRG EVolve Hub’ மையம் தொடங்கப்பட்டது.
இந்த நிகழ்ச்சிக்கு கல்லூரி தலைவர் டாக்டர் ஆர்.நந்தினி தலைமை தாங்கினார். தமிழ்நாடு திறன் மேம்பாட்டு கழகத்தின் டிஎன் ஆட்டோ ஸ்கில் நிறுவனத்தின் நிர்வாக இயக்குனர் காசி விஸ்வநாதன் தொடக்க உரையாற்றினார்.
நிகழ்ச்சியில் The Energy and Resources Institute-யின் மூத்த உறுப்பினர் டாக்டர் ஜெயந்தா மித்ரா,சர்வதேச மின்சார வாகன சங்கங்களின் கூட்டமைப்பைச் சேர்ந்த சீனிவாஸ் குமார், E-Royce Motors India Private Limited நிறுவனத்தின் நிர்வாக இயக்குநர் சுதாகர், WIEV Energetic Private Limited நிறுவனத்தின் நிர்வாக இயக்குநர் கலைவாணி நீலகண்டன் உள்ளிட்டோர் கலந்து கொண்டனர்.
இந்த மையம் மூலம் பெண்களுக்கு இலவச மின்சார வாகனப் பயிற்சி,வாகன பராமரிப்பு திறன்,சார்ஜிங் நிலையங்கள் அமைக்கும் தொழில்முனைவு வழிகாட்டுதல், மற்றும் பயிற்றுநர் மேம்பாட்டு திட்டங்கள் வழங்கப்படுகின்றன.மேலும், பயிற்சி பெற்ற பெண்களுக்கு மின்சார வாகனங்கள் மற்றும் சான்றிதழ்கள் வழங்கப்பட்டன.
இதன் மூலம் நலிவடைந்த பெண்கள், இளைஞர்கள் மற்றும் வாகன ஓட்டுநர்களுக்கு புதிய வேலைவாய்ப்புகள் உருவாகும் என தெரிவிக்கப்பட்டது.
இந்த முயற்சி Tamil Nadu Skill Development Corporation ஆதரவுடன் பசுமைத் திறன்கள் கொண்ட தொழில்முனைவோர்களை உருவாக்கும் நோக்கத்துடன் செயல்படுகிறது.
நிகழ்ச்சியில் செயலாளர் டாக்டர் என். யசோதா தேவி,பேராசிரியர்கள்,மாணவிகள் மற்றும் பெண்கள் பயனாளிகள் கலந்து கொண்டனர்.நிகழ்ச்சி நிறைவில் கல்லூரிமுதல்வர் டாக்டர் பி.பி.ஆரத்தி நன்றியுரை வழங்கியபோது, “GRG EVolve Hub பெண்கள் தலைமையிலான பசுமை போக்குவரத்து மாற்றத்திற்கு முக்கிய முன்னேற்றமாக அமையும்” என்று தெரிவித்தார்.
For English News
