February 16, 2023 
தண்டோரா குழு
கோவையில் தினமும் 5 ஆயிரம் பம்புசெட்கள் உற்பத்தி செய்யப்படுகின்றன என பம்புசெட் உற்பத்தியாளர்கள் தெரிவித்துள்ளனர்.
கோடை காலத்தில் பம்புசெட்களின் தேவை அதிகரிக்கும். இதன் அடிப்படையில் இனி வரும் நாட்களில் பம்புசெட் உற்பத்திகள் அதிகரிக்கப்பட உள்ளன. தென்னிந்தியாவின் மான்செஸ்டர் என்று அழைக்கப்படும் கோவையில் ஏராளமான சிறு குறு தொழில் நிறுவனங்கள் உள்ளன. இங்கு தயாரிக்கப்படும் பம்புகள் உலகளவில் சிறந்து விளங்குகின்றன. நாடு முழுவதும் விவசாயம் மற்றும் வீடுகளில் பயன்படுத்தப்படும் பம்புசெட்டுகளில் 60 சதவீதத்துக்கும் மேல் கோவையில் உற்பத்தி செய்யப்படும் பம்புசெட்டுகள் ஆகும்.
கோவை மாவட்டத்தில் 3,500க்கும் மேற்பட்ட பம்புசெட் உற்பத்தி நிறுவனங்கள் உள்ளன. இங்கு, உற்பத்தி செய்யப்படும் பம்பு செட்டுகள் கர்நாடகா, ராஜஸ்தான், குஜராத், பஞ்சாப், மேற்கு வங்காளம், ஆந்திரா, தெலங்கானா உள்ளிட்ட மாநிலங்களுக்கு அனுப்பப்படுகின்றன. கோவையில் உள்ள பம்புசெட் நிறுவனங்களில் மட்டும் 1 லட்சத்திற்கும் மேற்பட்ட தொழிலாளர்கள் பணி புரிந்து வருகின்றனர்.
இதுகுறித்து கோவை பம்புசெட் மற்றும் உதிரிபாகங்கள் தயாரிப்பாளர் சங்க தலைவர் மணிராஜ் கூறியதாவது:
குளிர்காலம், மூலப்பொருட்கள் விலை உயர்வு போன்ற பல்வேறு காரணங்களினால் அன்மை காலமாக பம்புசெட் மற்றும் உதிரிபாகங்களின் உற்பத்தி சரிவை நோக்கி நகர்ந்தன. தினமும் 2 ஆயிரம் வரையிலான பம்புசெட் மற்றும் உதிரிபாகங்கள் உற்பத்தி செய்யப்பட்டு வந்தன. இதனால் பெரும் பொருளாதார பாதிப்பு ஏற்பட்டு, உற்பத்தியும் பெரும் அளவு சரிந்தன. தற்போது குளிர்காலம் முடிந்துள்ளது. கோடை காலம் நெருங்கி வருகிறது. இதனால் பம்புசெட்களுக்கு தேவை அதிகரிக்கும்.
நாடு முழுவதும் தினமும் வீடு, விவசாயம் மற்றும் இதர தேவைகளுக்கு 25 ஆயிரம் பம்புசெட்கள் விற்பனை ஆகும் என எதிர்பார்க்கிறோம். இதனால் பம்புசெட் உற்பத்தியை அதிகரிக்க முடிவு செய்துள்ளோம். தினமும் 25 ஆயிரம் பம்புசெட்கள் கோவை மாவட்டத்தில் உற்பத்தி செய்ய இலக்கு நிர்ணயம் செய்துள்ளோம். இதன் முதல் கட்டமாக தற்போது 5 ஆயிரம் பம்புசெட்கள் தினமும் உற்பத்தி செய்யப்படுகின்றன.
இவ்வாறு அவர் கூறினார்.
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
குமரகுரு கல்லூரி மாணவர்களால் உருவாக்கப்பட்ட எரிசக்தி படகு, சர்வதேச போட்டியில் மூன்றாவது முறையாக பங்கேற்கிறது!
மாற்றுத்திறனாளி இளைஞர்களும் ஆன்லைன் உணவு டெலிவரி செய்யும் வகையில் புதிய எலக்ட்ரிக் சைக்கிள் !
கோயமுத்தூர் இன்னர் வீல் கிளப் சார்பாக அரசு தொடக்கப்பள்ளிக்கு புதிய வகுப்பறைகள் அர்ப்பணிப்பு
For English News
