September 4, 2017 
தண்டோரா குழு
அரியலூர் மாணவி அனிதா தற்கொலைக்கு நீதி கேட்டு கோவை மாவட்ட ஆட்சியர் அலுவகம் முன்பு சமத்துவ கழகத்தினர் மொட்டை அடித்து போராட்டத்தில் ஈடுபட்டார்.
அரியலூர் மாணவி அனிதா தற்கொலையடுத்து தமிழகம் முழுவதும் பல்வேறு இடங்களில் போராட்டங்களும் ஆர்பாட்டங்களும் நடைபெற்று வருகின்றன. அதன் ஒரு பகுதியாக சமத்துவ கழகத்தை சேர்ந்த ராஜன் என்பவர் அனிதாவின் மரணத்திற்கு நீதி கேட்டும் நீட் தேர்விற்கு எதிர்ப்பு தெரிவித்தும் கோவை மாவட்ட ஆட்சியர் அலுவலகம் முன்பு திடீரென மொட்டை அடித்து போராட்டத்தில் ஈடுபட்டார். இதையடுத்து அங்கு வந்த போலீஸார் ராஜனை சமாதானப்படுத்தி அனுப்பி வைத்தனர்.
இது குறித்து பேசிய ராஜன்,
மத்திய மாநில அரசு கொண்டு வந்துள்ள நீட் தேர்வானது ஏழை எளிய மக்களின் படிப்பிற்கும் வாழ்வாதரத்தை செயல்படுத்த முடியாமல் இருக்கிறது. இதனால் ஏழை மாணவி அனிதா அதிக மதிப்பெண் எடுத்தும், மருத்துவ படிப்புக்கான சீட்டு கிடைக்காததால் மனமுடைந்து தற்கொலை செய்து கொண்டார். மாணவி அனிதாவை போல் யாரும் தற்கொலை செய்து கொள்ளாமல் இருக்க மத்திய மாநில அரசு நீட் தேர்வை ரத்து செய்ய வேண்டும் என தெரிவித்தார்.
மேலும் நீட் தேர்வை ரத்து செய்யாவிட்டால் தமிழகம் இதே போல் மொட்டையாக தான் இருக்கும் என தனது அதங்கத்தை வெளிபடுத்தினார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
