June 4, 2018 தண்டோரா குழு
கோவையில் ட்ரம்ஸ் வாசிப்பில் சாதனை படைத்த 12 வயது நிரம்பிய ராகவ்க்கு நேற்று பாராட்டு விழா நடைப்பெற்றது.
கோவை சச்சின் மற்றும் பல்லவி தம்பதியரின் மகன் ராகவ் கொடேச்சா, மூன்று வயதில் இருந்தே டிரம்ஸ் வாசிப்பை தனது குருநாதர் இளங்கோ விடம் கற்க ஆரம்பித்தார்.சிறுவயது முதலே டிரம்ஸ் வாசிப்பதில் ஆர்வமான ராகவ் ஏராளமான போட்டிகளில் பங்கேற்று பல பரிசுகள் பெற்றுள்ளார். அதுமட்டுமல்லாமல் டிரம்ஸில் பல தேர்வுகள் எழுதி சாதனைகளைப் படைத்துள்ளார்.
ட்ரினிடட்டி பள்ளியில் இசை கற்று சாதனை படைத்துள்ள இவர் கோவையின் இளம் வயது சாதனையாளர், வாழ்நாளில் தொடர்ந்து 12 மணி நேரம் டிரம்ஸ் வாசித்து கின்னஸ் சாதனை அடைவதே தனது இலட்சியம் என்று கூறினார்.அவருடைய இந்த சாதனையை பாராட்டி லோகானா மகாஜன் அமைப்பின் சார்பில் பாராட்டு விழா நடைபெற்றது.இந்த நிகழ்வில் ராகுவ்க்கு பரிசுகள் மற்றும் சான்றிதழ் வழங்கப்பட்டது.