March 14, 2017 
தண்டோரா குழு
கோவா சட்டப் பேரவையில் நம்பிக்கை வாக்கெடுப்பு நடத்த உச்ச நீதிமன்றம்
உத்தரவிட்டுள்ளது. கோவாவில் பா.ஜ.க-வை ஆட்சி அமைக்க கோவா ஆளுநர் மிருதுளா சின்ஹா அழைப்பு விடுத்துள்ளார். அதை எதிர்த்து உச்ச நீதிமன்றத்தில் காங்கிரஸ் கட்சி வழக்கு தொடர்ந்தது.
அதற்கான மனுவில், “கோவாவில் நடைபெற்ற சட்டப் பேரவை தேர்தலில் அதிக தொகுதிகளை வென்ற காங்கிரஸ் கட்சியை ஆட்சி அமைக்க அழைக்கவில்லை” என்று தெரிவிக்கப்பட்டிருந்தது.
இந்த வழக்கின் விசாரணை உச்ச நீதிமன்றத்தில் செவ்வாய்க்கிழமை நடைபெற்றது. வழக்கை விசாரித்த உச்ச நீதிமன்றம், “சட்டப் பேரவையின் மூத்த உறுப்பினரை கோவா சட்டப் பேரவைத் தலைவராக உச்ச நீதிமன்றம் நியமிக்கும். அதன் பின் நம்பிக்கை வாக்கெடுப்பில் வெற்றி பெறும் கட்சியே ஆட்சி அமைக்க முடியும். கோவா சட்டப் பேரவையில் வியாழக்கிழமை நம்பிக்கை வாக்கெடுப்பு நடத்தப்படும்.” என்றது.
கோவா சட்டப் பேரவைக்குத் தற்போது நடைபெற்ற தேர்தலில் எந்தக் கட்சிக்கும் பெரும்பான்மை கிடைக்கவில்லை. 40 உறுப்பினர்களைக் கொண்ட சட்டப் பேரவையில் காங்கிரஸ் 17 இடங்களிலும், பா.ஜ.க. 13 இடங்களிலும் மற்ற கட்சிகள் 10 இடங்களிலும் வெற்றி பெற்றன என்பது குறிப்பிடத்தக்கது.
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
For English News
