September 11, 2017 
தண்டோரா குழு
அதிமுக கொறடா ராஜேந்திரனை நீக்க வேண்டும் என்று டிடிவி தினகரன் ஆதரவு எம்.எல்.ஏ வெற்றிவேல் சபாநாயகர் தனபாலிடம் மனு அளித்துள்ளார்.
சென்னைத் தலைமைச் செயலகத்தில் சபாநாயகர் தனபாலை இன்று அதிமுக அம்மா அணியின் துணை பொதுச் செயலாளர் டிடிவி. தினகரனின் ஆதரவாளர் வெற்றிவேல் எம்எல்ஏ சந்தித்தார். அப்போது அதிமுக கொறடா ராஜேந்திரனை நீக்க வலியுறுத்தும் கடிதத்தை சபாநாயகரிடம் வெற்றிவேல் அளித்தார்.
முதல்வரை மாற்றக்கோரி தினகரன் ஆதரவு எம்.எல்.ஏ.,க்கள் 19 பேர் ஆளுநர் வித்யாசாகர் ராவை சந்தித்து மனு அளித்தனர். இதனால் தன்னை ஆலோசிக்காமல் ஆளுநரிடம் மனு அளித்த 19 எம்.எல்.ஏ.,க்களையும் தகுதி நீக்கம் செய்யக்கோரி சபாநாயகர் தனபாலுக்கு, அ.தி.மு.க., வின் கொறடா ராஜேந்திரன் பரிந்துரை செய்தார்.
இதனையடுத்து தினகரன் ஆதரவு எம்.எல்.ஏ.,க்கள் 19 பேருக்கும் சபாநாயகர் தனபால் நோட்டீஸ் அனுப்பினார்.மேலும் செப்.,18 ம் தேதி எம்.எல்.ஏ.,க்கள் அனைவரும் நேரில் ஆஜராகி விளக்கம் அளிக்கவும் உத்தரவிட்டிருந்தார்.
இந்நிலையில் அதிமுக கொறடா ராஜேந்திரனை நீக்கக்கோரி சபாநாயகர் தனபாலிடம், தினகரன் ஆதரவு எம்எல்ஏ வெற்றிவேல் புகார் மனு அளித்துள்ளார்.மேலும் கட்சித் தலைமைக்கு எதிராக செயல்படும் அவரை நீக்க வேண்டும் என மனுவில் அவர் குறிப்பிட்டுள்ளார்.
சர்வதேச செவிலியர் தினத்தை முன்னிட்டு ஸ்ரீ ராமகிருஷ்ணா மருத்துவமனை நடத்திய மாபெரும் பேரணி !
யானைகளின் பெயரை கூறி விவசாயிகளின் வாழ்வாதாரத்தை அழிக்க முயற்சிக்கும் வனத்துறை -தொண்டாமுத்தூர் விவசாயிகள் கண்டனம்
கோவை மாநகராட்சியில் அட்வான்ஸ் ஒர்க்,பில் பெண்டிங்; ஒப்பந்ததாரர்கள் நல சங்கம் புகார்
கோவையில் இயேசுவின் அன்பின் ஊழியம் சார்பில்பேரின்ப பெருவிழா 2024 நிகழ்ச்சி
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
For English News
